सर्लाहीमा मोटरसाइकल दुर्घटनामा चालकको मृत्यु 

शनिबार बिहान वाग्मती नगरपालिका–२ स्थित नयाँरोड–बरहथवा सडकखण्डमा बिग्रेर रोकिराखिएको ना ५ ख ७५६४ नम्बरको उखु लोड गरिएको ट्रकमा वाग्मती प्रदेश ०३–००४ प १५९३ नम्बरको मोटरसाइकल ठोक्किँदा चालकको ज्यान गएको हो ।

दुर्घटनामा मोटरसाइकल चालक गोडैता नगरपालिका–४ का ३२ वर्षीय विश्वजित हजारीको घटनास्थलमै मृत्यु भएको प्रहरीले जनाएको छ । मृतकको शव पोष्टमार्टमका लागि प्रादेशिक अस्पताल मलंगवा लगिएको छ भने ट्रकका चालक फरार रहेको र उनको खोजी भइरहेको जिल्ला प्रहरी कार्यालयले जनाएको छ ।