बारामा गोली प्रहारबाट एक भारतीयको मृत्यु

शुक्रबार साँझ बारा महागढीमाई नगरपालिका–२ भुतही खोला अगाडि नम्बर नखुलेको भारतीय मोटरसाइकलमा सवार अपरिचित व्यक्तिले शिवपुजनलाई बोलाई चिया पसलमा गोली हानि फरार भएको बताइएको छ । गोली प्रहारबाट गम्भीर घाइते शिवपुजनलाई प्रहरीको सहयोगमा अस्पताल पुर्‍याएको प्रहरी उपरीक्षक बोगटीले बताए । शिवपुजनको निधन न्युरो अस्पताल भएको प्रहरीले जनाएको छ ।

मृतक शिवपुजन बिहीबार बरियापुर आफन्तकहाँ आएको प्रहरीले जनाएको छ । शिवपुजनसँग रहेका दुई जनालाई प्रहरीले नियन्त्रणमा लिएको छ भने घटनामा संलग्नको खोजतलास तीव्र पारिएको उपरीक्षक बोगटीले भने ।