वीरगन्जमा सवारी दुर्घटनामा वृद्धको मृत्यु
पर्सा — सवारी दुर्घटनामा परी वीरगन्जमा वृद्धको मृत्यु भएको छ । मृत्यु हुनेमा वीरगन्ज महानगरपालिका वडा नं २४ का ७० वर्षीय रुपा राउत कुर्मी हुन् ।
कुर्मीको वीरगन्जस्थित नारायणी अस्पतालमा बुधबार साँझ करिब ७ बजे मृत्यु भएको हो । उनलाई बुधबार साँझ साढे ६ बजेको समयमा वीरगन्ज मनपा–२५ चण्डाल चोकस्थित सडक खण्डमा ना ३ ख ६०७५ नम्बरको ट्रकले ठक्कर दिइ गम्भीर घाइते बनाएको थियो ।
प्रहरीले उनलाई तत्कालै उपचारार्थ अस्पताल पुर्याएकोमा चिकित्सकले उनलाई मृत घोषणा गरेका थिए ।
ट्रक चालक वीरगन्ज–२२ जगरनाथपुरका २५ वर्षीय छोटुकुमार कुशवाहालाई प्रहरीले नियन्त्रणमा लिएको छ ।
प्रकाशित : मंसिर १५, २०७९ ११:०१प्रतिक्रिया
