गहुँलाई मल अभाव- मधेस - कान्तिपुर समाचार
कान्तिपुर वेबसाईट
AdvertisementAdvertisement

गहुँलाई मल अभाव

अवधेशकुमार झा

राजविराज — गहुँ छर्ने सिजनमा मल अभाव भएको भन्दै सप्तरीका पालिका प्रमुखहरूले प्रमुख जिल्ला अधिकारीमार्फत प्रधानमन्त्रीलाई ज्ञापनपत्र बुझाएका छन् । आइतबार ज्ञापनपत्र बुझाउँदै १८ वटा पालिकाका प्रमुखहरूले आवश्यक मात्रामा रासायनिक मलको व्यवस्था गरिदिन माग गरेका छन् । 

सप्तरीमा ८१ हजार ६ सय ६८ हेक्टर जग्गा खेतीयोग्य छ । उक्त जग्गामा खेती गर्न वर्षभरिमा २३ हजार ८ सय ५७ दशमलब १५ मेट्रिक टन युरिया, १२ हजार ७ सय ८४ दशमलब १ मेट्रिक टन डीएपी, ९ हजार २४ मेट्रिक टन पोटास मल आवश्यक हुन्छ ।

तर पछिल्लो पटक कृषि सामग्री कम्पनी र साल्ट ट्रेडिङ लिमिटेडमा हिउँदेबालीका लागि ४ सय ९ दशमलब ६५ मेट्रिक टन डीएपी, २ सय ८३ दशमलब ७५ मेट्रिक टन युरिया र ८३ दशमलव ७ मेट्रिक टन युरिया आएको छ । जिल्लामा मौज्दात मलले किसानको आवश्यकता धान्न सक्ने अवस्था नरहेकाले तत्काल व्यवस्था गर्न प्रदेश र संघ सरकारलाई पालिका प्रमुखको आग्रह छ ।

मलको व्यवस्थापन हुन नसक्दा उत्पादनमा ह्रास भई किसानको लगानीसमेत उठ्न सक्ने अवस्था नरहेको ज्ञापनपत्रमा उल्लेख छ । आइतबार प्रशासनमा भएको बैठकमा पालिका प्रमुखहरूले रासायनिक मलको व्यवस्थापन स्थानीय सरकारले गर्न सक्ने अवस्था नरहेकाले सप्तरीमा खेतीयोग्य जग्गाको अनुपातमा मलको व्यवस्था गर्नुपर्ने बताए ।

‘अन्नको भण्डार सप्तरीमै रासायनिक मलको अभावमा उत्पादन घट्दै गएको छ,’ छिन्नमस्ता गाउँपालिकाका अध्यक्ष विद्यानन्द चौधरीले भने, ‘किसानको समस्याप्रति संघीय सरकार गम्भीर हुनुपर्छ ।’ हनुमाननगर कंकालिनी नगरपालिकाका प्रमुख वीरेन्द्र माझीले मल उपलब्ध नभएर खेती प्रभावित भए यसको जिम्मेवारी प्रदेश र संघ सरकारले लिनुपर्ने बताए ।

सप्तरीबाट नवनिर्वाचित प्रतिनिधिसभा सदस्य, प्रदेशसभा सदस्यहरू, पालिका प्रमुखहरू, स्थानीय प्रशासन र सरोकारवालाबीच बैठक भएको हो । मलको समस्या समाधानबारे छलफल गर्न आगामी दिनमा फेरि बैठक बस्ने जनप्रतिनिधिले जनाएका छन् ।

प्रकाशित : मंसिर १४, २०७९ ०८:३७
प्रतिक्रिया
पठाउनुहोस्

अर्जेन्टिनालाई ब्युँझाउँदै मेसी

एपी

दोहा — लियोनल मेसीले विश्वकपमा एकपल्ट त अर्जेन्टिनाको उद्दार गरिसकेका छन् । उनले आफ्नो देशका लागि फेरि एकपल्ट यही काम गर्नुपर्नेछ । फुटबल भनेपछि मेरिमेट्ने अर्जेन्टिनामा मेसीलाई भगवान्सरह मान्ने गरिन्छ । तिनै मेसीको अर्जेन्टिनाले बुधबार पोल्यान्डको सामना गर्नेछ ।

यो मेसीका लागि एक अर्को भावनात्मक खेल रहनेछ । उनी सम्भवतः आफ्नो खेलजीवनको अन्तिम विश्वकप खेलिरहेका छन् ।

सायद पोल्यान्डका स्ट्राइकर रोबर्ट लेवान्डोस्की पनि अन्तिमपल्ट नै विश्वकप खेलिरहेका हुनेछन् । उनका लागि सन् २०२६ को विश्वकपमा फर्कन गाह्रै हुनेछ । तर एउटा तथ्य निश्चित छ, विश्व फुटबलका सबैभन्दा उत्कृष्ट खेलाडीमध्ये एक रहेका मेसी प्रतियोगिताको अन्त्यसम्म कायम रहोस् भन्ने इच्छा त सबैको हुँदो हो । समूह ‘सी’ मा अझै पनि धेरैथोकको निर्णय हुन बाँकी छ । यदि अर्जेन्टिना पोल्यान्डविरुद्ध विजयी रह्यो भने सजिलै अर्को चरणको यात्रा तय गर्नेछ ।

त्यो पनि समूह विजेताका हैसियतमा । बराबरीको नतिजाले पनि अर्जेन्टिनालाई दोस्रो स्थानमा राखेर अर्को चरण पुर्‍याउन सक्छ । डर के रहनेछ भने त्यो स्थितिमा अर्जेन्टिनालाई साउदी अरेबिया र मेक्सिकोले उछिन्न सक्नेछ । जतिबेला अर्जेन्टिना र पोल्यान्ड भिडिरहेका हुनेछन्, ठीक त्यही समय साउदी अरेबिया र मेक्सिकोको पनि खेल हुनेछ । अनि अर्जेन्टिनाको हार ? यो त उसका समर्थकले पटक्कै सोच्न सक्दैनन् । त्यस्तो भए अर्जेन्टिना प्रतियोगिताबाट बाहिरिने मात्र छैन ।

त्यो त अर्जेन्टिना र मेसीको लज्जास्पद प्रदर्शन नै हुनेछ । त्यतिमात्र कहाँ हो र ? सम्भवतः मेसीले फेरि दोहोर्‍याएर अर्जेन्टिनाको प्रसिद्ध आकासे र सेतो धर्के जर्सीमा दोहोर्‍याएर खेल्ने छैनन् । यो त अर्जेन्टिनी समर्थकका लागि त असह्य परिस्थिति नै हो । त्यसैले जतिबेला अर्जेन्टिनाले मेक्सिकोलाई शनिबार २–० ले पराजित गरेको थियो, त्यतिबेला अर्जेन्टिनाको टेक्निकल सहयोगी र उसका समर्थकले आँसुसमेत रोक्न सकेनन्, त्यति धेरै भावुक भएका थिए ।

त्यस जितको अर्थ आफ्नो पहिलो खेलमा साउदी अरेबियासँग स्तब्धपूर्ण बेहोरेको २–१ को हारपछिको पुनरागमन जित थियो । तर टिममाथि सन् २००२ यता पहिलोपल्ट समूह चरणबाटै बाहिरिने डरबाट गुज्रिरहने छ । मेसीले भनिसकेका छन्, ‘हाम्रा लागि त अर्को विश्वकप सुरु भएको छ ।’ सन् २०२२ मै मेसीले आफ्नो देशका लागि १३ गोल गरिसकेका छन् । यो एक वर्षमा उनको अहिलेसम्मकै सबैभन्दा राम्रो प्रदर्शन पनि हो ।

विश्वकप सुरु हुनु अगाडि मेसीको स्वास्थ्य स्थितिबारे पनि धेरै चिन्ता थियो । सातपल्टको विश्व वर्ष खेलाडीले दुई दिन त एक्लै अभ्यास गरे । तर उनले सुरुआती दुवै खेलमा पूरा ९० मिनेट खेलेका छन् । मेक्सिकोविरुद्धको खेलपछि उनी केही चोटग्रस्त देखिएका थिए । तर, उनले नै त्यसबारे केही चिन्ता गर्न आवश्यक नरहेको बताइसकेका छन् । पोल्यान्डका लागि ३४ वर्षीय लेवान्डोस्कीले साउदी अरेबियाविरुद्ध गोल गरेपछि केही राहत महसुस गरेका छन् ।

उनी अब आफ्नो टिमलाई नकआउट चरण पुर्‍याउन चाहन्छन्, जहाँ सन् १९८६ यता पुग्न सकेको छैन । अर्जेन्टिनी समर्थकलाई लेवान्डोस्कीप्रति डर रहनेछ, आखिरमा उनी उत्तिकै उम्दा खेलाडी हुन् । तर उनीभन्दा ठूला स्टार भने मेसी नै हुन् । उनी आफ्नो खेलजीवनको अन्त्य पुगेर पनि उत्तिकै राम्रो खेलिरहेका छन् । उनी एक्लैले खेलको रूप नै मोड्न सक्छन् । प्रश्न हो, के एकपल्ट फेरि उनले अर्जेन्टिनाका लागि यस्तै गर्न सक्नेछन् त ?

एन्टोनी ग्रिजमन (फ्रान्स)

ओलिभर जिरुडको कीर्तिमानी गोल, केलियन एमबाप्पेको सर्वाधिक गोल । यी दुईबाहेक अग्रपंक्तिमा फ्रान्सेली टोलीका अर्का प्रभावशाली खेलाडी हुन् ग्रिजमन । उनको लामो पासमा एमबाप्पेले डेनमार्कविरुद्ध नजिकको दुरीबाट गोल गर्दै फ्रान्सलाई जित दिलाएर अन्तिम १६ मा डोर्‍याएका थिए । जिरुडले अस्ट्रेलियासँगको पहिलो खेलबाट थिएरी हेनरीले फ्रान्सका लागि गरेको सर्वाधिक ५१ गोलको कीर्तिमान बराबरी गरेका थिए । ३१ वर्षे ग्रिजमनले फ्रान्सबाट १ सय १२ खेलमा ४२ गोल गरिसकेका छन् । चार वर्षअघि फ्रान्सलाई विश्व विजेता बनाउन प्रमुख खेल्नेमध्येका उनी दुई स्ट्राइकरको पछाडि रहेर खेल्ने गर्छन् ।

प्रकाशित : मंसिर १४, २०७९ ०८:३५
पूरा पढ्नुहोस्
प्रतिक्रिया
पठाउनुहोस्
×