रामजानकी विवाह महाेत्सव सम्पन्न- मधेस - कान्तिपुर समाचार
कान्तिपुर वेबसाईट
AdvertisementAdvertisement

रामजानकी विवाह महाेत्सव सम्पन्न

श्यामसुन्दर शशी

जनकपुर — अयोध्याबाट जन्तीको रुपमा आएका साधुहरुलाई भोजन र बिदाइसँगै सप्ताहव्यापी रामजानकी विवाह महोत्सव मंगलबार सम्पन्न भएको छ । जानकी मन्दिर प्रांगणमा आयोजित महाभोजमा जनकपुरका साधु तथा श्रद्धालुहरू सहभागी थिए ।

यस अवसरमा भारतको अयोध्याबाट रामको विवाहका लागि जन्तीका रुपमा जनकपुर आउने हिन्दु परम्परा छ । रामजानकी विवाह महोत्सव अन्तर्गत सोमबार राम र जानकीको स्वयम्वर ऐतिहासिक बाह्रबिघा रंगभूमि मैदानमा भव्य रुपमा मनाइएको थियो ।

यस क्रममा सेनाको हेलिकप्टरद्वारा पुष्पवृष्टिसमेत गरिएको थियो । हिन्दु किंवदन्ती अनुसार त्रेतायुगमा राम र सीताबीच विवाह भइरहँदा आकाशबाट देवी देवता तथा ऋषिमुनिहरुले पुष्टवृष्टि गरेको रामचरित मानसमा उल्लेख छ ।

रामजानकी विवाह महोत्सवमा नेपाल र भारतका विभिन्न स्थानबाट एक लाखभन्दा धेरै श्रद्धालु सहभागी भएको जानकी मन्दिरका छोटे महन्थ रामरोशन दासले दाबी गरेका छन् ।

प्रकाशित : मंसिर १३, २०७९ १७:४१
प्रतिक्रिया
पठाउनुहोस्

एयर इन्डिया र विस्तारा एयरलाइन्स गाभिने

एजेन्सी

नयाँदिल्ली — भारतका दुई वटा वायु सेवा कम्पनी गाभिने भएका छन् । एयर इन्डिया र विस्तारा एयरलाइन्स गाभिने भएका हुन् । एयर इन्डिया चलाइरहेको टाटा समूहले विस्तारा र एयर इन्डिया गाभिने जानकारी दिएको हो ।

त्यस्तै विस्तारा चलाउने सिंगापुर एयरलाइन्सले पनि यस सम्झौताअन्तर्गत २५० मिलियन अमेरिकी डलर लगानी गर्ने जनाएको छ । दुई एयरलाइन्स गाभिने प्रक्रिया सन् २०२४ सम्म पूरा हुने बताइएको छ । सम्झौतामा सिंगापुर एयरलाइन्सले एयर इन्डियामा २५.१ प्रतिशत सेयर पाउनेछ ।

गत वर्ष मात्रै ऋणमा डुबेको सरकारी वायु सेवा कम्पनी एयर इन्डियाको १०० प्रतिशत शेयर टाटा समूहले १८ हजार करोड रुपैयाँमा किनेको थियो ।

प्रकाशित : मंसिर १३, २०७९ १७:३२
पूरा पढ्नुहोस्
प्रतिक्रिया
पठाउनुहोस्
×