कान्तिपुर वेबसाईट
AdvertisementAdvertisement
२०.१२°C काठमाडौं
काठमाडौंमा वायुको गुणस्तर: १५७

सप्तरीको कञ्चनरुपमा एक पुरुष मृत भेटिए

तालिमप्राप्त कुकुरसहितको अनुसन्धान टोली घटनास्थलमा लगिँदै
अवधेशकुमार झा

राजविराज — सप्तरीमा सोमबार राति एक जना व्यक्ति मृत भेटिएका छन् । कञ्चनरुप नगरपालिका १ बैरवाका ५० वर्षीय पप्पु भनिने संजय राउतको घाँटी रेटेर हत्या गरिएको अवस्थामा शव भेटिएको हो ।

जिल्ला प्रहरी कार्यालयका डीएसपी नरेशकुमार सिंहका अनुसार सोमबार राति १० बजे घरबाट निस्केका राउत बिहान अवेरसम्म घर नफर्किएपछि परिवारले खोजी सुरु गरेका थिए ।

स्थानीय बासिन्दाले राउतको घरदेखि डेढ सय मिटर उत्तरतर्फ रहेको पोखरीमा घोप्टो अवस्थामा शव देखेपछि इलाका प्रहरी कार्यालय कञ्चनरुपमा खबर गरेका थिए ।

डीएसपी सिंहका अनुसार धारिलो हतियार प्रहार गरी उनको घाँटी रेटी हत्या गरिएको देखिन्छ । घटनास्थलमा जिल्ला प्रहरी प्रमुख एसपी अभिनारायण काफ्लेसहित इलाका प्रहरी कार्यालय कञ्चनरुपको टोलीले अनुसन्धान गरिरहेको छ । अनुसन्धानका लागि प्रदेश प्रहरी कार्यालयबाट समेत तालिमप्राप्त कुकुर ल्याउने तयारी गरिएको डीएसपी सिंहले जानकारी दिए ।

प्रकाशित : मंसिर १३, २०७९ १४:२५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?