सर्लाहीमा मोटरसाईकल दुर्घटनामा दुई जनाको मृत्यु - मधेस - कान्तिपुर समाचार
कान्तिपुर वेबसाईट
AdvertisementAdvertisement

सर्लाहीमा मोटरसाईकल दुर्घटनामा दुई जनाको मृत्यु 

रासस

सर्लाही — पूर्वपश्चिम राजमार्गअन्तर्गत सर्लाहीको ईश्वरपुर नगरपालिका–१२ स्थित बाँके जंगलमा बिहीवार साँझ दुई मोटरसाइकल एकापसमा ठोक्किँदा दुई जनाको मृत्यु भएको छ । दुई घाइते भएका छन् ।

पूर्वबाट पश्चिमतर्फ आउँदै गरेको प्रदेश नम्बर २–०२–००३ प ९१७८ नम्बरको मोटरसाइकल विपरित दिसाबाट आउँदै गरेको स ९ प १५९१ नम्बरको मोटरसाइकल एकापसमा ठोक्किएका थिए । दुर्घटनामा मृत्यु हुनेमा पर्साको मिर्जापुरका ३८ वर्षीय प्रहरी हवल्दार बाबुलालप्रसाद साह र पर्साकै पकहा मैनापुर–१ का २७ वर्षीय रामलोचनकुमार पटेल रहेको प्रहरी निरीक्षक ईश्वर कार्कीले जानकारी दिए । दुवैको शव प्रादेशिक अस्पताल मलङ्गवामा राखिएको छ । उनीहरु प्रदेश २–०२–००३ प ९१७८ नम्बरको मोटरसाइकलका चालक र त्यसमा सवार रहेका प्रहरीले जनाएको छ ।

दुर्घटनामा सिरहाको करजनहा नगरपालका–११ का ५० वर्षीय चन्देश्वर महतो र उनकी श्रीमती ४५ वर्षीया जयन्तीदेवी महतो घाइते भएका छन् । घाइते दुवैको लालबन्दी नगरपालिकाको नवलपुरस्थित सत्यम अस्पतालमा उपचार भइरहेको छ ।

प्रकाशित : मंसिर ९, २०७९ ०६:०१
प्रतिक्रिया
पठाउनुहोस्

नयाँ सरकारसँग नजिक रहेर काम गर्न तत्पर : भारत

कान्तिपुर संवाददाता

नयाँदिल्ली — भारतले नेपालमा आमनिर्वाचनपछि बन्ने सरकारसँग नजिक रहेर काम गर्न तत्पर रहेको जनाएको छ ।

भारतीय विदेश मन्त्रालयका प्रवक्ता अरिन्दम बागची

विदेश मन्त्रालयका प्रवक्ता अरविन्दम बागचीले भारत र नेपालबीच नजिकको एवं विशेष सम्बन्ध रहेको उल्लेख गर्दै नेपाली जनताले चुन्ने नयाँ सरकारसँग पनि नजिककै सम्बन्ध रहने बताए ।

बिहीबारको नियमित प्रेस ब्रिफिङमा नेपालको चुनावका सन्दर्भमा सोधिएको प्रश्नमा बागचीले आन्तरिक मामिला भन्दै कुनै टिप्पणी गरेनन् । ‘परिणाम आइरहेको छ, त्यसको प्रतीक्षा गर्नुपर्छ,’ उनले भने ।

प्रकाशित : मंसिर ९, २०७९ ०५:५४
पूरा पढ्नुहोस्
प्रतिक्रिया
पठाउनुहोस्
×