दुई विदेशी नियन्त्रणमा
पर्सा — पर्साको वीरगञ्ज नाकाबाट बिनाअनुमति नेपाल हुँदै भारत जाने क्रममा अर्जेन्टिनाका दुई नागरिकलाई मंगलबार वीरगञ्जस्थित अध्यागमन कार्यालयबाट नियन्त्रणमा लिइएको छ ।
कार्यालयका अनुसार भारत जानुपूर्व अध्यागमन कार्यालयमा बाहिर जाने अनुमति लिन (स्ट्याम्प लगाउन) आएका एक महिला र एक पुरुषलाई नेपाल प्रवेश अनुमति नभएका कारण नियन्त्रणमा लिएर अध्यागमन विभाग पठाइएको हो ।
नियन्त्रणमा लिएका नागरिकमा पासपोर्ट नं एएसी १८७५५८ भएको पब्लो ग्वस्ताभो लोहोज र पासपोर्ट नं एएजी ९५६४१६ भएको मेलानी डिसेरी डिफाजियो रहेको अध्यागमन कार्यालयले जनाएको छ ।
बिनाअनुमति ८६ दिन नेपाल बसेका उनीहरूलाई अध्यागमन विभाग पठाइएको वीरगञ्जस्थित अध्यागमन कार्यालयले जनाएको छ । उनीहरू भ्रमणका लागि सन् २०२२ जुन २७ मा भारतको सुनौली नाकाबाट विना अनुमति नेपाल प्रवेश गरेका थिए ।
प्रकाशित : आश्विन ५, २०७९ ०८:३४प्रतिक्रिया
