पर्साबाट २७ किलो चरेससहित ३ जना पक्राउ

मोक्तानको झोलाबाट ८ किलो ६ सय ९० ग्राम, बलको झोलाबाट ५ किलो १ सय १० ग्राम र विश्वकर्माको झोलाबाट १३ किलो ८ सय ग्राम चरेश बरामद भएको हो ।

उनीहरूलाई प्रहरीले बुधबार राति साढे ७ बजेको समयमा पर्सागढी नगरपालिका–२ बागबानाबाट पक्राउ गरेको हो । अस्थायी प्रहरी पोस्ट मनवाबाट खटिएको प्रहरी टोलीले चेक गर्ने क्रममा जितपुरबाट मनवातर्फ जाँदै गरेको ना २ ह ३१८६ नम्बरको सार्वजनिक अटोलाई रोकी चेक गर्दा अटोमा सवार ती महिलाहरूले बोकेको झोलाभित्र लुकाइछिपाइ राखिएको अवस्थामा चरेस बरामद भएको हो ।

उनीहरुलाई नियन्त्रणमा लिइ आवश्यक कारवाही प्रकृया अघि बढाइएको जिल्ला प्रहरी कार्यालयले जनाएको छ ।