सिरहामा करेन्ट लागेर बाबुछोराको मृत्यु
सिरहा — सिरहामा करेन्ट लागेर बिहीबार बाबु र छोराको मृत्यु भएको छ । इलाका प्रहरी कार्यालय गोलबजारका अनुसार गोलबजार नगरपालिका–६ का विजय साह र उनका छोरा १९ वर्षीय अमर साहको करेन्ट लागेर मृत्यु भएको हो ।
घरनजिकैको इनारमा मोटर जोड्ने क्रममा विजय साहलाई करेन्ट लागेपछि उनलाई बचाउन पुगेका छोरा अमरलाई समेत करेन्ट लागेपछि दुवै घाइते भएका थिए ।
उनीहरूलाई उपचारका लागि लहान लैजाँदै गर्दा बाटैमा मृत्यु भएको प्रहरीले जनाएको छ । घटनाबारे अनुसन्धान भइरहेको प्रहरीले जनाएको छ ।
प्रकाशित : भाद्र १६, २०७९ २०:१०प्रतिक्रिया