सुनसरीमा हत्या आरोपमा दुई किशोर पक्राउ

पक्राउ पर्नेहरुमा धनकुटाको सांगुरी गढी–८ घर भई धरान–१५ बगरकोटको एक सेकुवा कर्नरमा काम गर्दै आएका १७ वर्षीय र धरान १५ बगरकोट बस्ने १३ वर्षीय किशोरहरु छन् । किशोर रहेकाले प्रहरीले उनीहरुको नाम खुलाएको छैन । एक जनालाई धनकुटाको छिन्ताङबाट र अर्कोलाई बगरकोटबाटै पक्राउ गरेको हो ।

प्रहरीका अनुसार किशोरहरुलाई सन्दिपले फोन गरेर शारीरिक सम्बन्ध राख्ने युवती खोजी देउ भन्दै धम्की र गालीगलौज गरेका थिए । दुवै जनाले केटी भेटिएको भनेर बोलाएपछि लम्जेल को २८ प २५६८ नम्बरका केटिएम ड्युक मोटरसाइकलमा आएका थिए । दुवै जनाले लम्जेललाई केटी भेटाउने ठाउँ भन्दै सेउती खोलाको पश्चिम भागसम्म पुगेपछि मोटरसाइकल रोक्न लगाएका थिए । उनीहरुले हतियार र ढुंगा प्रहार गरी सन्दिपको हत्या गरेको अनुसन्धानबाट खुलेको प्रहरीले जनाएको छ ।

दुवै किशोरलाई सुनसरी जिल्ला अदालतबाट ज्यानसम्बन्धी कसुरमा ५ दिनको म्याद थप गरेर अनुसन्धान गरिरहेको ईलाका प्रहरी कार्यालय धरानले जनाएको छ ।