हुनुमान नगर कंकालिनीको निर्णय : 'क्लोथ बैंक'देखि किसान कार्डसम्म- मधेस - कान्तिपुर समाचार
कान्तिपुर वेबसाईट
AdvertisementAdvertisement

हुनुमान नगर कंकालिनीको निर्णय : 'क्लोथ बैंक'देखि किसान कार्डसम्म

कान्तिपुर संवाददाता

काठमाडौँ — सप्तरीको हनुमान नगर कंकालिनी नगरपालिकाका नवनिर्वाचित प्रमुख वीरेन्द्र माझीले नगरपालिकाभित्र ‘क्लोथ बैंक’ स्थापना गर्ने निर्णय गरेका छन् । निर्वाचित भएलगत्तै माझीले पहिलो निर्णयको रुपमा यस्तो योजना ल्याएका हुन् ।

यस्तै उनले शैक्षिकस्तर उकास्न भन्दै चरणबद्ध रुपमा 'ओ लेभल' र 'ए लेभल' को सम्बन्धन हासिल गरि लागु गर्ने, अंग्रेजी मातृभाषा भएका शिक्षक स्वयंमेवकहरुद्वारा विभिन्न अन्तर्राष्ट्रिय गैरसरकारी संस्थाहरुसँग सहकार्य गरिने निर्णय गरेका छन् ।

साथै सामुदायिक विद्यालयमा एसईई परीक्षाअघि नै अनिवार्य रुपमा तीनमहिने सीपमुलक व्यवसायिक तालिम सबै विद्यार्थीले लिनुपर्ने व्यवस्था मिलाइने पनि बताइएको छ ।

स्वास्थ्य क्षेत्रमा नगरभित्र तोकिएको मापदण्ड पुग्ने हरेक नागरिकलाई कम्तीमा न्युनतम स्वास्थ्य बिमा उपलब्ध गर्ने पहल गरिने मेयर माझीले बताए । नगरभित्रका अस्पतालमा निः शुल्क औषधिको व्यवस्था गर्न पहल गरिने पनि मेयर माझीले निर्णय गरेका छन् ।

रोजगारको क्षेत्रमा वडां. १ र ४ मा ‘झोला उद्योग' र ‘बनना चिप्स’ उद्योग संचालन गरि झन्डै सयको हाराहारीमा रोजगार सिर्जना गरिने निर्णय उनले गरेका छन् । माझी जनमत पार्टीबाट मेयरमा निर्वाचित भएका हुन् । सीके राउत नेतृत्वको जनमत पार्टी निर्वाचनअघि पनि मधेसमा किसानका मुद्दा उठाएर लामो समय आन्दोलनमा थियो ।

यसैबीच विपन्न, दलित र उपेक्षित वर्गलाई सामाजिक सुरक्षा भत्ता दिइने, किसान कार्डको व्यवस्था गरिने, कृषकलाई नि:शुल्क कृषि मोटर उपलब्ध गराउने, कृषि औजार, लाइब्रेरी र किसान पेन्सन, घरदैलोमा सेवा, रासन कार्ड, एकीकृत बस्ती बनाउने लगायत योजना लागु गर्ने उक्त नगरपालिकाले निर्णय गरेको छ ।

प्रकाशित : जेष्ठ ११, २०७९ १६:५९
प्रतिक्रिया
पठाउनुहोस्

जुम्लाकी एक्ली अटोचालक

कान्तिपुर संवाददाता

जुम्ला — सदरमुकाम खलंगाबाट कर्णाली राजमार्ग हुँदै कालीकोटको नाग्मतिर हुइँकिरहने रातो अटोरिक्सा देख्नेहरू एकैछिन रोकिन्छन् । जसको एक छेउमा लेखिएको छ– ‘जन्म हुँदा सास हुन्छ तर नाम हुँदैन । मृत्यु हुँदा नाम हुन्छ तर सास हुँदैन । यही सास र नामबीचको यात्रालाई जीवन भनिन्छ ।’

तर यो सायरीले भन्दा चालक सिटमा बसेकी २९ वर्षीया कल्पना बुढालाई देखेर यात्रु छक्क मान्दै छेउमा टक्क अडिन्छन् । नमानुन् पनि किन, जुम्लामा ६ सय अटो छन् । यीमध्ये उनी एक्ली महिला अटोचालक हुन् ।

प्रकाशित : जेष्ठ ११, २०७९ १६:५९
पूरा पढ्नुहोस्
प्रतिक्रिया
पठाउनुहोस्
×