विजय उत्सव मनाउन सप्तरीको रुपनी नगरमा सार्वजनिक बिदा- मधेस - कान्तिपुर समाचार

विजय उत्सव मनाउन सप्तरीको रुपनी नगरमा सार्वजनिक बिदा

अवधेशकुमार झा

राजविराज — सप्तरीको  रुपनी गाउँपालिकाले नवनिर्वाचित जनप्रतिनिधिहरूको विजय उत्सव मनाउने प्रयोजनका लागि सोमबार पालिकाभरि सार्वजनिक बिदा दिएको छ ।


रुपनी गाउँपालिकाका प्रमुख प्रशासकीय अधिकृत अरबिन्दकुमार चौधरीले सोमबार सूचना प्रकाशित गर्दै नवनिर्वाचित अध्यक्ष दिनेशकुमार यादवको आदेशअनुसार सार्वजनिक बिदा दिइएको जनाएका छन् ।

‘विजय उत्सव मनाउने प्रयोजनका लागि रुपनी गाउँपालिकाका नवनिर्वाचित अध्यक्ष दिनेशकुमार यादवको आदेशानुसार गाउँपालिका क्षेत्रभित्रका सरकारी कार्यालय, संघसंस्था, शिक्षण संस्था, स्वास्थ्य संस्थालगायत सम्पूर्ण कार्यालयहरूमा आज मिति २०७९ जेठ ९ गते सोमबारका दिन सार्वजनिक बिदा दिइएको व्यहोरा जानकारीका लागि अनुरोध छ‚’ अधिकृत चौधरीद्वारा जारी सूचनामा उल्लेख छ ।

आइतबार दिउँसो सम्पन्न मतगणनाको अन्तिम परिणामअनुसार रुपनी गाउँपालिकाको अध्यक्षमा लोसपाका दिनेशकुमार यादव र उपाध्यक्षमा लोसपाकै पुष्पाकुमारी श्रेष्ठ निर्वाचित भएका थिए ।

प्रकाशित : जेष्ठ ९, २०७९ १०:५४
प्रतिक्रिया
पठाउनुहोस्

ताप्लेजुङमा बाख्रा चराउन गएकी किशोरी मृत फेला

आनन्द गौतम

ताप्लेजुङ — बाख्रा चराउन जंगल गएकी युवती मृत भेटिएकी छन् । फुङलिङ नगरपालिका ३ सिम्लेकी १७ वर्षीया सर्मिला भट्टराई मृत भेटिएको सिम्ले प्रहरी चौकीले जनाएको छ ।

आइतबार मध्यान्ह १२ बजेतिर बाख्रा लिएर गएकी उनी बेलुका साँझसम्म नफर्किएपछि परिवार खोजीमा निस्किएका थिए । बाख्रा बाटोमा भेटेपछि सशंकित उनीहरुले खोजी गर्ने क्रममा राति १० बजेतिर मृत भेटिएको र प्रहरीलाई खबर गरेको स्थानीयले जनाएका छन् ।

उनको शव डेढ सय मिटर धसारिएर झरेको पाइएको मृतकका आफन्त विष्णु भट्टराईले जनाए । जिल्ला प्रहरी कार्यालयबाट गएको टोलीले आवश्यक अनुसन्धान सुरु गरेको जिल्ला प्रहरी कार्यालयले जनाएको छ ।


प्रकाशित : जेष्ठ ९, २०७९ १०:३१
पूरा पढ्नुहोस्
प्रतिक्रिया
पठाउनुहोस्
x
×