सिरहाको कल्याणपुरमा एमालेका साह र यादव विजयी
सिरहा — कल्याणपुर नगरपालिकाको मेयर र उपमेयरमा नेकपा एमालेका उम्मेदवार विजयी भएका छन् । मेयरमा एमालेका रामपुकार साह तेलीले ५ हजार ८ सय ८३ मत प्राप्त गरी विजयी भएका हुन् । उनका निकटतम प्रतिस्पर्धी कांग्रेसका धर्मनाथ यादवले ५ हजार ३ सय ५३ मत ल्याएका थिए ।
त्यस्तै, उपमेयरमा एमालेका रेखाकुमारी यादवले ५ हजार ७ सय ३३ मत प्राप्त गरी विजयी भइन् । उनका निकटतम प्रतिद्वन्द्वी कांग्रेसकी धनेश्वरीदेवी मण्डल ५ हजार ४ सय ७० मत प्राप्त गरिन् ।
१२ वडा रहेको कल्याणपुर नगरपालिकामा ५ वटा वडामा एमाले, ३ वटामा वडामा जनता समाजवादी पार्टी, २ वटा वडामा कांग्रेस, एउटा वडामा नेकपा एकीकृत समाजवादी र एउटा वडामा जनमत पार्टी वडाध्यक्षमा विजयी भएका छन् ।
प्रतिक्रिया
