सप्तरीको राजगढको अध्यक्षमा एमाले र उपाध्यक्षमा जसपा विजयी- मधेस - कान्तिपुर समाचार
कान्तिपुर वेबसाईट
AdvertisementAdvertisement

सप्तरीको राजगढको अध्यक्षमा एमाले र उपाध्यक्षमा जसपा विजयी

अवधेशकुमार झा

राजविराज — सप्तरीको राजगढ गाउँपालिका अध्यक्षमा नेकपा एमालेका ओमप्रकास मण्डल र उपाध्यक्षमा जनता समाजवादी पार्टीका रेणुदेवी मण्डल निर्वाचित भएका छन् । बुधबार सार्वजनिक अन्तिम परिणामअनुसार अध्यक्षमा निर्वाचित मण्डलले ४ हजार १ सय ४९ मत प्राप्त गरेका छन् । उनका निकटतम प्रतिद्वन्द्वी जसपाका सुरेन्द्रप्रसाद यादबले ३ हजार ८ सय ७ मत प्राप्त गरे ।

यस अघि यो पालिकामा अध्यक्ष र उपाध्यक्ष काग्रेसबाट निर्वाचित थिए । निवर्तमान अध्यक्ष समेत रहेका कांग्रेस उम्मेदवार परमानन्द यादब तेश्रो भए । उनले २ हजार ८ सय ९३ मत पाए ।

उपाध्यक्षमा जसपाकी मण्डलले ३ हजार ८ सय ३० मत प्राप्त गरि निर्वाचित भइन् । निकटतम प्रतिद्वन्द्वी एमालेकी रेखाकुमारी यादबले ३ हजार ७ सय ७ मत प्राप्त गरिन् ।

प्रकाशित : जेष्ठ ४, २०७९ १९:२९
प्रतिक्रिया
पठाउनुहोस्

खैरहनी नगरपालिकाको मेयरमा कांग्रेस र उपमेयरमा एमाले विजयी

रमेशकुमार पौडेल

चितवन — चितवनको खैरहनी नगरपालिकाको मेयरमा नेपाली कांग्रेस र उपमेयरमा एमालेका उम्मेद्वार विजयी भएका छन् । मेयरमा नेपाली कांग्रेसका शशिकुमार खनिया १४ हजार ५४५ मतले विजयी भए ।

उनका निकटतम प्रतिद्वन्द्वी नेकपा (एमाले)का लालमणि चौधरीको १३ हजार ६९५ मत आयो । चौधरी ७४ सालमा मेयरमा विजयी भएका थिए । खैरहनीमा सत्तारुढ गठबनधनसँग एमाले एक्लै लडेको थियो ।

उपमेयरमा सत्तारुढ गठबन्धनबाट उठेकी माओवादी केन्द्रकी लक्ष्मी ढकाललाई एमालेकी कविता उप्रेतीले पराजित गरेकी हुन् । उप्रेतीको १३ हजार २५ मत आउँदा ढकालको ९ हजार ५५ मत आयो । खैरहनी नगरपालिकामा कुल १३ वटा वडा रहेका छन् । जसमा ७ वटामा एमाले र ६ वडामा नेपाली कांग्रेसका उम्मेदवारहरु विजयी भएका छन् ।

प्रकाशित : जेष्ठ ४, २०७९ १९:२३
पूरा पढ्नुहोस्
प्रतिक्रिया
पठाउनुहोस्
×