सर्लाहीमा दुर्घटना हुँदा एकको मृत्यु, १० घाइते- मधेस - कान्तिपुर समाचार
कान्तिपुर वेबसाईट
AdvertisementAdvertisement

सर्लाहीमा दुर्घटना हुँदा एकको मृत्यु, १० घाइते

ओमप्रकाश ठाकुर

सर्लाही — पूर्व–पश्चिम राजमार्ग अन्तर्गत सर्लाहीको बाँके जंगलमा बुधबार दिउँसो माछा बोक्ने पिकअप भ्यान र यात्रुवाहक बस एक आपसमा ठोक्किँदा १ जनाको मृत्यु भएको छ । बसमा सवार १० यात्रु घाइते भएका छन् ।

पूर्वबाट पश्चिमतर्फ आउँदै गरेको प्र३–०१–०२५च ५७४३ नम्बरको पिकअपले विपरित दिशाबाट गइरहेको ना ५ख ५५१५ नम्बरको यात्रुवाहक बसलाई ठक्कर दिँदा दुर्घटना भएको हो । आफ्नै साइडबाट गइरहेको बस पिकअपबाट ठोक्किँदा पल्टिएको प्रहरीले जनाएको छ ।

बस पल्टिँदा बसका चेपिएर बसका सहचालक सुनसरी ईटहरी उपमहानगरपालिका–४ का ३७ वर्षीय भीम राजवंशीको मृत्यु भएको जिल्ला प्रहरी कार्यालयले जनाएको छ ।

दुर्घटनामा परेर बसका चालकसहित १० जना घाइते भएकोमा एकको अवस्था गम्भिर रहेको प्रहरीले जनाएको छ । घाइतेहरुको लालबन्दीस्थित मोडेल अस्पतालमा उपचार भइरहेको छ ।

प्रकाशित : जेष्ठ ४, २०७९ १७:४८
प्रतिक्रिया
पठाउनुहोस्

दुधौलीको मेयरमा माओवादीका अधिकारी विजयी

राजकुमार कार्की

सिन्धुली — दुधौला नगरपालिकाको मेयरमा गठबन्धनबाट माओवादी केन्द्रका दिनेश अधिकारी दनुवार विजयी भएका छन् ।

उपमेयरमा कांग्रेसका चन्द्रकिशोर थारु निर्वाचित भएका छन् । मेयरमा निर्वाचित अधिकारी दनुवारले १५ हजार ८ सय ३८ मत पाउँदा निकटतम प्रतिस्पर्धी एमालेका लक्ष्मण कार्कीले १० हजार ६ सय ५२ मत मात्र प्राप्त गरे ।

उपमेयरमा कांग्रेसका थारुले १४ हजार २ सय १३ मत प्राप्त गर्दा एमालेकी बालकुमारी अधिकारी दनुवारले १० हजार ६ सय ११ मत पाइन् ।

१४ वटा वडा रहेको दुधौलीमा १, ३, ४, ५, ६, ७ र ८ नम्बर वडामा कांंग्रेस २, ९, १० र ११ नम्बर वडामा एमाले र १२, १३, १४ माओवादी केन्द्रले जित हासिल गरेका छन् ।


प्रकाशित : जेष्ठ ४, २०७९ १७:४४
पूरा पढ्नुहोस्
प्रतिक्रिया
पठाउनुहोस्
×