सर्लाहीका १२ पालिकामा मतगणना सुरु- मधेस - कान्तिपुर समाचार

सर्लाहीका १२ पालिकामा मतगणना सुरु

कान्तिपुर संवाददाता

सर्लाही — मुलुकमै सबैभन्दा बढी २० स्थानीय तह रहेको सर्लाहीमा १२ वटा स्थानीय तहमा मतगणना सुरु भएको छ । मलंगवा, हरिवन, लालबन्दी, हरिपुर, हरिपूर्वा र बलरा नगरपालिका तथा पर्सा, ब्रम्हपुरी, चन्द्रनगर, रामनगर,  धनकौल र विस्णु गाउँपालिकामा मतगणना सूरु भएको हो ।

बाँकी ७ वटा पालिकामा भने मतगणनाका लागि सर्बदलीय छलफल भइरहेको छ । बरहथवा नगरपालिकामा भने मतगणना सुरु हुनसकेको छैन ।

बरहथवाको वडा नम्बर १७ मा शुक्रबार भएको मतदानलाई मात्र गणना गर्ने कि पुनः मतदान गराउने भन्नेमा अन्यौलता देखिएको हो । त्यहाँ दलहरुबीच विवाद देखिएको छ । उनीहरुले आम मतदाताले मत हाल्न नपाएको दाबी गरिरहेका छन् ।

त्यहाँको बारेमा निर्वाचन आयोगले केहीबेर पछि निर्णय गर्ने जिल्ला निर्वाचन कार्यालय मलंगवाका निर्वाचन अधिकारी दिवाकर भूजेलले बताए ।

प्रकाशित : वैशाख ३१, २०७९ १२:४३
प्रतिक्रिया
पठाउनुहोस्

सानीभेरी- २ मा माओवादीको प्यानल नै विजयी

हरि गौतम

रुकुम पश्चिम — सानीभेरी गाउँपालिका–२ मा पनि माओवादी केन्द्रकै उम्मेदवार विजयी भएका छन् । माओवादी केन्द्रका उम्मेदवार मानबहादुर पुन वडाध्यक्षमा विजयी भएका छन् भने ४ जना सदस्य पनि माओवादी केन्द्रकै उम्मेदवार विजयी भएका छन् ।

माओवादी केन्द्रका उम्मेदवार मानबहादुरको पक्षमा ४ सय ८२ मत खसेको छ भने काँग्रेसका दिनेश बिकले २ सय २१ मत ल्याएका छन् । वडा सदस्यमा माओवादी केन्द्रका गंगा दमाई, आशा खमाई, तिखे पुन र धने कामी विजयी बनेका छन् ।

सानीभेरी– १ वडामा पनि माओवादीको प्यानल विजयी बनेको छ । यहाँ माओवादी केन्द्र एक्लै चुनाव लडेको थियो भने काँग्रेस, एमाले, एकीकृत समाजवादी गठबन्धन गरेर निर्वाचनमा होमिएका थिए । दुई वडाको अन्तिम मत परिणाम आइसक्दासम्म माओवादीका विर्खबहादुर विष्ट झण्डै ५ सय मतान्तरमा अग्रता कायम गरेका छन् । उपाध्यक्षमा पनि माओवादीकै कमला पुनले लिड गरिरहेकी छिन् । यहाँ कांग्रेसबाट गोरखप्रसाद चन्द र उपाध्यक्षमा एमालेका प्रकाश खड्का चुनावी मैदानमा छन् ।


प्रकाशित : वैशाख ३१, २०७९ १२:४१
पूरा पढ्नुहोस्
प्रतिक्रिया
पठाउनुहोस्
×