बाराको पचरौता नगरपालिकाका दुई वडाका चार केन्द्रको मतदान रद्द
बारा — बाराको पचरौता नगरपालिका–२ को बैरीया र बेलडारीका दुई दुईवटा मतदान रद्द भएको छ । बाराका डिएसपी राजेश थापाका अनुसार मतदान रद्द गरिएको हो ।
मतदानलाई लिएर जसपा र एमालेबीच मतदान हुँदाहुँदै बिहान झडप भएका कारण उक्त क्षेत्रमा दिनभर मतदान भएन ।
एमालेबाट मेयरका उम्मेदवार जलनधर सिंहले मतदानका क्रममा धाँधली भएको भन्दै मत बदरको माग गर्दै विज्ञप्ति समेत सार्वजनिक गरेका थिए ।
यस्तै बेलडारी–४ मा पनि रोकिएको मतदान अझैसम्म सुरु भएको छैन ।
प्रकाशित : वैशाख ३०, २०७९ १६:५३