१८.१२°C काठमाडौं
काठमाडौंमा वायुको गुणस्तर: १६६

५३ केजी गाँजासहित २ जना पक्राउ

भूषण यादव

वीरगन्ज — पर्सा प्रहरीले वीरगन्ज महानगरपालिका ३० लालपर्साबाट शनिबार राति ठूलो परिमाणमा लागूऔषध गाँजा बरामद गरेको छ । चालक र सहचालक पक्राउ परेका छन् ।

५३ केजी गाँजासहित २ जना पक्राउ

प्रहरी चौकी परवानीपुरबाट खटिएको टोलीले लालपर्सा गाउँतर्फ गइरहेको ना ३ ख ६३८४ नम्बरको मिनी ट्रकमा जाँच गर्दा दुईवटा बोरामा राखिएको ५३ केजी गाँजा बरामद भएको जिल्ला प्रहरी कार्यालय पर्साले जनाएको छ ।

पर्सा प्रहरी प्रवक्ता प्रहरी नायव उपरीक्षक ओमप्रकाश खनालका अनुसार शनिबार राति साढे ११ बजेको समयमा लालपर्सातर्फ गइरहेको उक्त ट्रकलाई लिटल फ्लावर बोर्डिङ स्कुल अगाडि नियन्त्रणमा लिई जाँच गर्दा बोराभित्र लागूऔषध गाँजा बरामद भएको हो ।

मकवानपुरको हेटौंडा उपमहानगरपालिका ११ निवासी ४५ वर्षीय ट्रक चालक पूर्णबहादुर मोक्तान र मकवानपुरकै गढी गाउँपालिका ४ निवासी २६ वर्षीय सहचालक राज भुलनलाई प्रहरीले नियन्त्रणमा लिएको खनालले जनाए । दुवैमाथि लागूऔषधसम्बन्धी कसुरमा अनुसन्धान अगाडि बढाइएको छ ।

प्रकाशित : वैशाख १८, २०७९ ११:४४
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?