बाघ गणनाका ६ वटा क्यामेरा चोरी

डिभिजन वन कार्यालय पर्साका प्रमुख फरमान मियाँले राष्ट्रिय बाघ गणना कार्यक्रमअन्तर्गत जडान गरिएका क्यामेराहरु चोरी भएको जनाए । संयुक्त गस्ती नहुँदा क्यामेरा चोरी भएको हो । ‘बाघ गणनाका लागि जडान गरिएका ६ वटा क्यामेरा चोरी भएको रिपोर्टिङ आएको छ,’ मियाँले भने, ‘क्यामेरा चोरी भएको क्षेत्र गाँजा तस्करी गर्ने रुट हो, आफ्नो तस्बिर कैद नहोस् भनेर तस्करले चोरेको हुन सक्छ । ४/५ वटा क्यामेरा चोरी हुनु सामान्य कुरा हो ।’