महोत्तरीमा ९ स्वास्थ्यकर्मी संक्रमित - मधेस - कान्तिपुर समाचार

महोत्तरीमा ९ स्वास्थ्यकर्मी संक्रमित 

सुनिता बराल

महोत्तरी — महोत्तरीमा ९ जना स्वास्थ्यकर्मीमा कोरोना संक्रमण देखिएको छ । तेस्रो लहर सुरु भएसँगै हेल्थ डेक्स र खोप अभियानमा खटेका स्वास्थ्यकर्मी संक्रमित देखिएका स्वास्थ्य कार्यालय महोत्तरीले जनाएको छ । 

संक्रमित हुनेमा ३ डाक्टर, ४ पारामेडिक्स र २ जना नर्स रहेका स्वास्थ्य कार्यालयल महोत्तरीका कोभिड फोकल पर्सन गिरेन्द्र झाले जानकरी दिए । जिल्लाको जलेश्वर अस्पतालका ३ डाक्टर, जिल्लाको मुख्य सीमानाका भिट्टामोडमा खटिएका ४ र खोप अभियानमा खटिएका अन्य २ स्वास्थ्यकर्मीमा संक्रमण पुष्टि भएको झाले बताए ।

स्वास्थ्यकर्मी संक्रमित भएपछि अस्पतालको सेवामा प्रभाव परेको छ । बिरामीको चाप बढी हुने जलेश्वर अस्पतालका चिकित्सकसहित स्वास्थ्यकर्मी संक्रमित भएपछि अस्पतालको सेवामै प्रभाव परेको अस्पतालका प्रमुख डा सतीश साहले बताए ।

पहिले १० जना स्वास्थ्यकर्मी खट्ने फाँटमा अहिले ३ जनाले काम चलाउन परेको उनले बताए । जलेश्वर अस्पतालमा दैनिक ४० जनाभन्दा बढीको पीसिआर जाँच हुने गरेकोमा ५० प्रतिशतभन्दा बढी रिपोर्ट पोजिटिभ आउने गरेको साहले बताए ।


प्रकाशित : माघ ८, २०७८ १७:४१
प्रतिक्रिया
पठाउनुहोस्

स्रोत नखुलेको ३० लाखसहित युवक पक्राउ

सुनिता बराल

महोत्तरी — महोत्तरीबाट स्रोत नखुलेको ३० लाख रकमसहित एक युवक पक्राउ परेका छन् । पक्राउ पर्नेमा मटिहानी नगरपालिका बर्दाहा बस्ने २३ वर्षीय मोहमद सहाउदिन रहेको महोत्तरी प्रहरीले जनाएको छ । 

भारतबाट नेपालतर्फ आउँदै गरेको ज ६ प ६९४४ नम्बरको डिस्कभर मोटरसाइकललाई चेकजाँच गर्ने क्रममा सहाउदिनले पिठ्युँमा बोकेको कालो झोलाबाट २८ लाख र उनको साथबाट २ लाख गरी ३० लाख रकम बरामद गरिएको जिल्ला प्रहरी कार्यालय महोत्तरीका प्रहरी प्रवक्ता डीएसपी प्रकाश विष्टले जानकारी दिए ।

मटिहानी-८ स्थित प्रहरी चौकीबाट नियमित चेकजाँच गर्ने चेकप्वइन्टबाटै मोटरसाइकलसहित सहाउदिनलाई नियन्त्रणमा लिइएको प्रहरीले जनाएको छ ।

सहाउदिनको साथबाट प्रहरीले आइफोन-१२ प्रो म्याक्स एक थान पनि बरामद गरेको र उनलाई आवश्यक कारबाहीका लागि जलेश्वर भन्सार कार्यालय मलिवारा पठाइएको विष्टले जानकारी दिए ।

प्रकाशित : माघ ३, २०७८ १५:०४
पूरा पढ्नुहोस्
प्रतिक्रिया
पठाउनुहोस्
×