साढे ११ हजार क्विन्टल धान खरिद- मधेस - कान्तिपुर समाचार
कान्तिपुर वेबसाईट
AdvertisementAdvertisement

साढे ११ हजार क्विन्टल धान खरिद

कान्तिपुर संवाददाता

पर्सा — किसानले निरन्तर धान बिक्री गर्न ल्याएपछि खाद्य व्यवस्था तथा व्यापार कम्पनी वीरगन्ज शाखा यस वर्षको धान खरिदको लक्ष्यनजिक पुगेको छ ।

शुक्रबारसम्ममा शाखाले ११ हजार ७ सय क्विन्टल सोना मन्सुली धान खरिद गरिसकेको शाखाका सूचना अधिकृत मुनिलाल कुशवाहले जानकारी दिए ।

शाखाले यस वर्ष १५ हजार क्विन्टल सोना मन्सुली खरिद गर्ने लक्ष्य राखेको थियो । ‘पर्सा, बारा र रौतहट जिल्लासम्मका किसानले उत्साहजनक रूपमा धान बिक्री गर्न ल्याए,’ उनले भने, ‘माघ १५ सम्म खरिद कोटाको लक्ष्य भेट्टाउने अनुमान थियो, माघको पहिलो सातामै भेटिने भएको छ ।’

खाद्यले प्रतिक्विन्टल २ हजार ९ सय २ रुपैयाँमा खरिद गर्दै आएको छ ।

प्रकाशित : माघ १, २०७८ ०८:५३
प्रतिक्रिया
पठाउनुहोस्

पूर्वी नवलपरासीका सीडीओलाई कोरोना संक्रमण

कान्तिपुर संवाददाता

पूर्वी नवलपरासी — पूर्वी नवलपरासीका प्रमुख जिल्ला अधिकारी सुमन घिमिरेलाई कोरोना संक्रमण पुष्टि भएको छ ।

६ दिनअघि यहाँ कार्यभार सम्हाल्न आएका प्रमख जिल्ला अधिकारीले शुक्रबार पीसीआर परीक्षण गराउँदा कोरोना संक्रमण पुष्टि भएको जानकारी दिए । शुक्रबार बिहान ११ बजे उनले आफ्नै कार्यकक्षमा जिल्लाका सञ्चारकर्मीसँग अन्तरक्रिया गरेका थिए । 'सञ्चारकर्मीहरुसँग भेटभाटपछि पीसीआर परीक्षण गराउन जिल्ला अस्पताल गएको थिएँ । अहिले प्राप्त रिपोर्टमा कोरानो संक्रमण पुष्टि भयो,' उनले भने, 'सबै साथी सुरक्षित बसिदिनु होला ।'

जिल्ला आएदेखि नै उनी विभिन्न संघसंस्था, राजनीतिक दलका नेता कार्यकर्तासँग भेटघाट गर्दै आएका थिए । उनले अत्यावश्यक कामबाहेक घर बाहिर ननिस्कन र तोकिएका खोप केन्द्रमा गएर खोप लगाउन सर्वसाधारणसँग अपिल गरेका छन् ।

प्रकाशित : माघ १, २०७८ ०८:४९
पूरा पढ्नुहोस्
प्रतिक्रिया
पठाउनुहोस्
×