सिराहामा ब्राउन सुगरसहित तीन पक्राउ
सिराहा — प्रहरीले ब्राउन सुगरसहित तीन जनालाई सिराहाको पडरियाबाट बुधबार पक्राउ गरेको छ ।
जिल्ला प्रहरी कार्यालय सिराहाका अनुसार लहान नगरपालिका–१२ का २२ वर्षीय प्रशान्त चौधरी, २३ वर्षीय मिथलेश चौधरी र २९ वर्षीय साजन चौधरीलाई ५५ ग्राम ब्राउन सुगर र ११ हजार रुपैयाँसहित पक्राउ गरिएको हो ।
लहान नगरपालिका–१२ स्थित पडरिया चौकमा शंका लागेर जाँच गर्दा ब्राउन सुगर फेला परेपछि पक्राउ गरिएको प्रहरीले जनाएको छ ।
प्रकाशित : पुस २८, २०७८ २०:१८