सप्तरीमा ट्रकमा आगजनी- मधेस - कान्तिपुर समाचार

सप्तरीमा ट्रकमा आगजनी

अवधेश झा

सप्तरी — पूर्व-पश्चिम राजमार्गअन्तर्गत सप्तरीको अग्निसाइर कृष्णासवरण गाउँपालिका–५ महुली पुलमा अज्ञात समूहद्वारा शुक्रबार एउटा ट्रकमा आगजनी गरिएको छ । गिट्टी बोकेर पूर्वतर्फ जाँदै गरेको ना ६ ख ७६२९ नम्बरको ट्रकमा अज्ञात समूहले आगजनी गरेको हो ।


आगजनीका कारण ट्रकको अगाडिको भाग जलेको छ । ट्रकमा लगाइएको आगो निभाउन वारुणयन्त्र खटाइएको थियो । जिल्ला प्रहरी कार्यालयका प्रहरी नायब उपरीक्षक माधवप्रसाद काफ्लेले अज्ञात व्यक्तिद्वारा ट्रकमा आगजनी गरेको भन्दै ती व्यक्तिको खोजी भइरहेको जानकारी दिए ।

यस्तै सिके राउत नेतृत्वको जनमत पार्टीले सात बुँदे माग राखी पूर्व–पश्चिम राजमार्ग अनिश्चितकालका लागि बन्द गरेको घोषणा गरेको थियो । बन्द उलङ्घन गरेको भन्दै आक्रोशित जनमतका कार्यकर्ताले आगो लगाएको बताएका छन् ।

शान्तिपूर्ण आन्दोलनलाई अर्को पक्षसहित प्रहरी प्रशासनले दमन गर्न खोजेपछि आक्रोशित भएर आगजनी गरेको आन्दोलनकर्मीले जनाएका छन् । यस्तै भारदहमा एक ट्रिपर तोडफोड गरिएको छ ।

प्रकाशित : पुस १६, २०७८ २१:१६
प्रतिक्रिया
पठाउनुहोस्

सप्तरीका बजार क्षेत्रमा शनिबार रातिबाट निषेधाज्ञा

अवधेश झा

राजविराज — कोरोना संक्रमण तीव्र रुपमा बढदै गएपछि सप्तरी प्रशासनले वैशाख २५ गते राति १२ बजेबाट जिल्लाका बजार क्षेत्रमा निषेधाज्ञा लगाउने निर्णय गरेको छ ।

बिहीबार बिहान बसेको जिल्ला संकट व्यवस्थापन केन्द्रको बैठकले जिल्लाका राजविराज, तोपा, हनुमान नगर, भारदह, बरमझिया, कञ्चनपुर, फत्तेपुर, महुली, वीरेन्द्र बाजार, रुपनी, कठाउन्ना, कल्याणपुर, खर्चुहिया, कदर्बोना, पातो, बोदेबसाइन, सखडा लगायतका बजार क्षेत्रमा निषेधाज्ञा लगाउने निर्णय गरेको प्रमुख जिल्ला अधिकारी फणिन्द्रमणि पोख्रेलले बताए ।

बैठकले संक्रमितको कन्ट्याक्ट ट्रेसिङ र स्वाब संकलन स्थानीय तहले गर्ने निर्णय गर्दै संक्रमित बढे निश्चित क्षेत्रलाई सिल गर्ने अधिकार समेत स्थानीय तह र स्थानीय प्रहरीलाई दिएको छ ।

यस्तै सरकारी अस्पतालमा कार्यरत डाक्टरले सञ्चालन गरेको निजी क्लिनिक बन्द गर्न आग्रह गर्ने तथा अन्य डाक्टरले सञ्चालन गरेको क्लिनिकमा स्वास्थ्य मापदण्ड पालना भए/नभएको अनुगमन गर्ने निर्णय भएको प्रजिअ पोख्रेलले बताए । जिल्लामा रहेका २ निजी अस्पताल छिन्नमस्ता र युनिक अस्पतालमा आइसोलेसन सञ्चालनका लागि तयारी गर्ने निर्णय समेत गरिएको छ ।

प्रकाशित : वैशाख २३, २०७८ १०:५९
पूरा पढ्नुहोस्
प्रतिक्रिया
पठाउनुहोस्
×