लागूऔषधसहित २ जना पक्राउ- मधेस - कान्तिपुर समाचार
कान्तिपुर वेबसाईट
AdvertisementAdvertisement

लागूऔषधसहित २ जना पक्राउ

कान्तिपुर संवाददाता

पर्सा — पर्सामा लागूऔषधसहित दुईजनालाई प्रहरीले पक्राउ गरेको छ । पर्सा जिल्ला प्रहरीको टोलीले आइतबार वीरगञ्ज महानगरपालिका–१५ लक्ष्मनवा राजु डिजल ग्यारेजबाट खैरो हिरोइन ओसारपोसारमा संलग्न दुईजनालाई पक्राउ गरेको हो ।

पक्राउ पर्नेहरूमा वीरगञ्ज महानगरपालिका–१० बस्ने २६ वर्षीय रामबाबु ठाकुर र वीरगञ्ज महानगरपालिका–१० मुर्ली बस्ने २१ वर्षीय सहजाद मन्सुरी रहेका छन् ।

ना. ५६ प ५४१७ नम्बरको सेतो पल्सर मोटरसाइकलको ट्यांकीभित्र कालो प्लास्टिकले बेरेर लुकाइराखेको ३.५ ग्राम सात प्याकेट लागूऔषध खैरो हिरोइनसमेत बरामद गरिएको प्रहरीले जनाएको छ ।

प्रकाशित : मंसिर १९, २०७८ १९:३१
प्रतिक्रिया
पठाउनुहोस्

लुम्बिनी विकास बैंकको एकसाथ ५ शाखा कार्यालय

कान्तिपुर संवाददाता

काठमाडौँ — लुम्बिनी विकास बैंकले देशका विभिन्न ठाउँमा एकसाथ ५ शाखा कार्यालय संचालनमा ल्याएको छ । काठमाडौंको नयाँ बानेश्वर, रुपन्देहीको मणिग्राम  र नवलपरासीको बर्दघाटमा शाखा कार्यालय संचालनमा आएको छ । त्यस्तै दाङको घोराही, बाँकेको कोहलपुर शाखा कार्यालय संचालनमा आएको छ । 

नयाँ बानेश्वर शाखाको उद्घाटन बैंकका सञ्चालक चिन्तामणि भट्टराई र अंजु कुमारी गुप्ताले संयूक्त रुपमा गरे । बर्दघाट शाखाको नगरपालिकाका उप – प्रमुख मायादेवी पौडेल र बैंकका सञ्चालक केशब खतिवडाले संयूक्त रुपमा रुपमा उदघाटन गरे । मणिग्राम शाखाको तिलोत्तमा नगरपालिकाका प्रमुख बासुदेब घिमिरे र बैंकका प्रमुख कार्यकारी अधिकृत नरेश सिंह बोहराले संयूक्त रुपमा उद्घाटन गरे ।

त्यस्तै घोराही शाखाको घोराही उप – महानगरपालिकाका प्रमुख नरुलाल चौधरी, जिल्लाउद्योग वाणिज्य संघका अध्यक्ष टंक सिंह बुढाथोकी र बैंकका सञ्चालकहरु प्रतापकुमार आचार्य तथा रामचन्द्र सिग्देलले संयूक्त रुपमा उद्घाटन गरे । कोहलपुर शाखाको उद्घाटन कोहलपुर नगरपालिकाका प्रमुख लुटबहादुर रावत र बैंकका सञ्चालक समितिका अध्यक्ष दसरथ रिसालले संयूक्त रुपमा गरे । बैंकको देशभर ७७ वटा शाखा कार्यालय संचालनमा छन् ।


प्रकाशित : मंसिर १९, २०७८ १९:२७
पूरा पढ्नुहोस्
प्रतिक्रिया
पठाउनुहोस्
x
×