नदीमा डुबेर एकको मृत्यु, एक बेपत्ता
रौतहट — रौतहटको राजदेवी नगरपालिका-९ ब्रम्हपुरी टोलस्थित वाग्मती नदीमा आइतबार एक बालको डुबेर मृत्यु भएको छ । अर्का एकजना बेपत्ता भएका छन् ।
स्थानीय ११ वर्षीय अजित महराको डुबेर मृत्यु भएको प्रहरीले जनाएको छ । उनीसँगै रहेका १० वर्षीय पिन्टु पाश्वान नदीमा बेपत्ता भएको जिल्ला प्रहरी प्रमुख एसपी विनोद घिमिरेले बताए ।
माछा मार्नका लागि भनेर चारजना नदीमा हाम फालेका थिए । तीमध्ये दुईजना मात्रै सकुशल बाहिर निस्किएको एसपी घिमिरेले जानकारी दिए ।
बेपत्ता बालकको खोजी भइरहेको प्रहरीले जनाएको छ ।
प्रकाशित : आश्विन १०, २०७८ १९:४१प्रतिक्रिया