नदीमा डुबेर एकको मृत्यु, एक बेपत्ता   

स्थानीय ११ वर्षीय अजित महराको डुबेर मृत्यु भएको प्रहरीले जनाएको छ । उनीसँगै रहेका १० वर्षीय पिन्टु पाश्वान नदीमा बेपत्ता भएको जिल्ला प्रहरी प्रमुख एसपी विनोद घिमिरेले बताए ।

माछा मार्नका लागि भनेर चारजना नदीमा हाम फालेका थिए । तीमध्ये दुईजना मात्रै सकुशल बाहिर निस्किएको एसपी घिमिरेले जानकारी दिए ।

बेपत्ता बालकको खोजी भइरहेको प्रहरीले जनाएको छ ।