बेपत्ता दुई किशोर पोखरीमा मृत फेला

उनीहरूलाई तत्काल तराई अस्पताल लगिएकोमा चिकित्सकले मृत घोषित गरेको जिल्ला प्रहरी कार्यालय पर्साका प्रवक्ता ओमप्रकाश खनालले जनाए । ब्रह्मचोकका उमेश साह र दिनेश साहले छोराहरू हराएको भन्दै शनिबार अपराह्न वडा प्रहरी कार्यालय श्रीपुरमा जानकारी गराएका थिए ।

खोजतलासका क्रममा मुर्लीस्थित पोखरीमा दुवै किशोरको शव हिलोमा गाडिएको अवस्थामा फेला परेको वडा प्रहरी कार्यालय श्रीपुरका प्रहरी निरीक्षक दिनेश गौतमले बताए । ‘पोखरीछेउमै कपडा र चप्पल खोलिएको अवस्थामा फेला परेको थियो,’ गौतमले भने, ‘त्यसकै आधारमा पोखरीभित्र खोजतलास गर्दा करिब २ घण्टापछि बच्चाहरू फेला परेका थिए ।’ दुवैको शव पोस्टमार्टमका लागि नारायणी अस्पतालमा राखिएको छ ।