मानव बेचबिखनको आरोपमा दुई जना पक्राउ- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

मानव बेचबिखनको आरोपमा दुई जना पक्राउ

भरत जर्घामगर

सिरहा — मानव बेचबिखन तथा ओसारपसारमा संलग्न रहेको अरोपमा प्रहरीले शनिबार सिरहाको चोहर्वाबाट दुई जनालाई नियन्त्रणमा लिएको छ । 

जिल्ला प्रहरी कार्यालयका अनुसार १६ र १९ वर्षका दुई युवतीलाई बेचबिखनका लागि भारततर्फ लैजाने क्रममा सप्तरीको कञ्चनरूप नगरपालिका–११ बेङगरीकी २८ वर्षीया ललिता चौधरी र सिरहाको धनगढीमाई नगरपालिका–१ बाखैरकी ३५ वर्षीया उषा देवी मलाह पक्राउ परेका हुन् ।

युवतीहरूले प्रहरीलाई बताएअनुसार ती महिलाले उनीहरूलाई लहान आश्रममा मासिक ५० हजार तलबमा काममा लगाइदिने भनी बोलाएका थिए । ‘लहान आइसकेपछि यहाँभन्दा अझै राम्रो काम जनकपुरमा पाइन्छ भन्दै ल्याएका उनीहरूलाई चोहर्वामा नै ओरालेर माडरतर्फ लैजान ठिक्क पारेका बेला नियन्त्रणमा लिइएको हो,’ इलाका प्रहरी कार्यालय मिर्चैयाका प्रमुख डीएसपी राजेन्द्र श्रेष्ठले भने ।

पक्राउ परेका दुवै जनामाथि मानव बेचबिखन तथा ओसारपसार कसुरमा मुद्दा चलाइने प्रहरीले जनाएको छ ।


प्रकाशित : भाद्र २७, २०७८ १०:११
प्रतिक्रिया
पठाउनुहोस्

प्रहरी हिरासतबाटै थुनुवा फरार

भरत जर्घामगर

सिरहा — प्रहरी हिरासतबाट सिरहामा शनिबार बिहान एक थुनुवा फरार भएका छन् ।

इलाका प्रहरी कार्यालय लहानको थुनुवा कक्षको झ्यालको ग्रील तोडेर शनिबार बिहान २ बजेतिर सिरहा नवराजपुर गाउँपालिका–१ का पशुपति यादव फरार भएका हुन् ।

गत जेठ २० गते लागूऔषधसहित यादव पक्राउ परेका थिए । जिल्ला प्रहरी कार्यालय सिरहाका प्रवक्ता डीएसपी सुवाश बुढाथोकीले घट्नाबारे थप अनुसन्धान भइरहेको र फरार यादवको खोजी भइरहेको जानकारी दिए ।

प्रकाशित : असार २६, २०७८ १४:०९
पूरा पढ्नुहोस्
प्रतिक्रिया
पठाउनुहोस्
×