बारामा पेस्तोलसहित २ जना पक्राउ

बारा — प्रहरीले अमेरिकन पेस्तोलसहित २ युवालाई पक्राउ गरेको छ । जिल्लाको सिम्रौनगढ नगरपालिका-६ को सिम्रौनगढ बजारबाट मंगलबार स्थानीय ३५ वर्षीय राजेशप्रसाद यादव र २० वर्षीय जितेन्द्रप्रसाद कुशवाहालाई पक्राउ गरिएको प्रहरी नायब उपरीक्षक गौतम मिश्रले जानकारी दिए ।

उनीहरूको साथबाट यूएसमा निर्मित ७७७७० नम्बरको म्याग्जिनसहित पेस्तोल थान-१ र एक्स्ट्रा म्याग्जिन थान-१ बरामद भएको छ ।

पक्राउ परेकाहरुमाथि थप अनुसन्धान‍ भइरहेको प्रहरी नायब उपरीक्षक मिश्रले बताए ।

प्रकाशित : भाद्र १५, २०७८ २०:०५

प्रतिक्रिया

पठाउनुहोस्