५ दिनदेखि बेपत्ता बालिकाको शव इनारमा भेटियो

बालिका सोमबार बिहान ९ बजे घरनजिकै रहेको पसलबाट फर्कने क्रममा बेपत्ता भएकी थिइन् । उनको शव घरदेखि ५ सय मिटरको दूरीमा रहेको इनारमा सडेको अवस्थामा फेला परेको धनुषा प्रहरीले जनाएको छ ।

इलाका प्रहरी कार्यालय सबैलाबाट खटिएका प्रहरी टोलीले बालिकाको शव पोस्टमार्टमका लागि प्रादेशिक अस्पताल जनकपुरमा पठाएको छ । शवको प्रकृति हेदा बालिकाको हत्या गरेर इनारमा फालिएको जस्तो देखिए पनि पोस्टमार्टमको रिपोर्ट नआएसम्म केही भन्न नसकिने इलाका प्रहरी कार्यालय सबैलाका प्रहरी निरीक्षक राजेश सिग्देलले जनाएको छ ।