सुक्खा बन्दरगाहमा रोकिएको केराउका कन्टेनर छुट्न थाले

सोमबार २ वटा केराउ बोकेका कन्टेनर जाँचपास भई गएको र मंगलबार अधिकांस कन्टेनर जाँचपास हुने सम्भावना रहेको सुक्खा बन्दरगाह भन्सार कार्यालयका सूचना अधिकृत चुडामणि शर्मा कट्टेलले बताए । यसअघि जेठ २४ गते वाणिज्य, आपूर्ति तथा उपभोक्ता संरक्षण विभागले भन्सार विभागलगायतलाई पत्राचार गरी असार मसान्तसम्म मात्र अधिकांस केराउ, मरिच, सुपारी, छोकडा आयातकर्तालाई आयातको कोटा निर्धारण गरिएकाले त्यसै अनुरुप मात्र जाँचपास गर्न जानकारी गराएको थियो ।

नेपालमा विशेष गरी अमेरिका र क्यानडाबाट केराउ आयात हुने गरेको छ । यो नाकाबाट मात्रै झण्डै आधा दर्जन आयातकर्ताले केराउ आयात गर्ने र गरेको सुक्खा बन्दरगाह नाकाबाहेक वीरगन्ज भन्सार नाका, विराटनगर भन्सार नाकालगायतबाट यसरी केराउ आयात हुने गरेको उनले बताए ।