सीडीओलाई व्यापारीको ज्ञापनपत्र
धनुषा — प्रहरीले झूटा विवरण र कैफियत देखाएर व्यवसायीको सामान जफत गरी भन्सार बुझाउने काम रोक्नुपर्ने माग गर्दै जनकपुर उद्योग वाणिज्य संघले धनुषाका प्रमुख जिल्ला अधिकारीलाई ज्ञापनपत्र बुझाएको छ ।
राजस्व तिरेर ढुवानी गरिरहेको सामान र सवारीसाधन बिलमा लेखिएको स्थान र गोदाममा नपुग्दै प्रहरीले पक्राउ गर्ने गरेको भन्दै सोमबार धनुषाका सीडीओ बन्दुप्रसाद बाँस्तोलामार्फत प्रधानमन्त्री कार्यालयलाई ज्ञापनपत्र बुझाइएको छ ।
आन्तरिक राजस्व कार्यालयबाट अनुमति पाएको नेपाल–भारत सिमानानजिक रहेको गोदामसम्म व्यवसायीलाई सामान पुर्याउन प्रहरीले अवरोध गरेको संघका अध्यक्ष जितेन्द्र महासेठले बताए ।
प्रकाशित : असार १०, २०७८ ०९:०५प्रतिक्रिया