सिरहामा करेन्ट लागेर २ को मृत्यु - प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

सिरहामा करेन्ट लागेर २ को मृत्यु 

भरत जर्घामगर

सिरहा — सिरहाका छुट्टाछुट्टै स्थानमा करेन्ट लागेर दुईजनाको मृत्यु भएको छ । प्रहरीका अनुसार लहान नगरपालिका–९ का ५० वर्षीय जोगिन्दर साह र भगवानपुर गाउँपालिका–५ का ४५ वर्षीय देव नारायण यादवको सोमबार करेन्ट लागेर मृत्यु भएको हो ।

साह खेतमा कल गाड्ने क्रममा र यादव घरको विद्युतीय मिटरको तार जोड्ने क्रममा करेन्ट लागेर घाइते भएका थिए ।

उपचारको लागि अस्पताल लैजाने क्रममा उनीहरुको मृत्यु भएको जिल्ला प्रहरी कार्यालयले जनाएको छ ।

प्रकाशित : असार ८, २०७८ १६:२१
प्रतिक्रिया
पठाउनुहोस्

दाङमा असार १५ गतेसम्म निषेधाज्ञा

दुर्गालाल केसी

दाङ — दाङमा असार १५ गतेसम्म निषेधाज्ञा थपिएको छ । जिल्ला कोरोना संकट व्यवस्थापन केन्द्रको मंगलबार बसेको बैठकले केही खुकुलो गर्दै निषेधाज्ञा थप्ने निर्णय गरेको हो ।

वैशाख १७ देखि सुरू भएको निषेधाज्ञा विभिन्न समय थपिँदै आज मंगलबारसम्म कायम थियो । अबदेखि सरकारी कार्यालय र बैंकहरु दिउँसो १० देखि ३ बजेसम्म र बजार बिहान ६ देखि दिउँसो २ बजेसम्म खुल्न पाउने भएको प्रमुख जिल्ला अधिकारी दीर्घनारायण पौडेलले बताए ।

दाङमा अहिले कोरोनाका सक्रिय बिरामी २५६ जना रहेको र वैशाखयता ७७२० जनामा कोरोना संक्रमण भएको पौडेलले बताए । तीमध्ये ७२६६ जना निको भएको र १९८ जनाको मृत्यु भएको छ ।

प्रकाशित : असार ८, २०७८ १६:१६
पूरा पढ्नुहोस्
प्रतिक्रिया
पठाउनुहोस्
×