पूर्वसांसद वाइबाको निधन- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

पूर्वसांसद वाइबाको निधन

भरत जर्घा मगर

सिरहा — पूर्वसांसद तथा नेकपा माओवादी केन्द्रका नेता विष्णुबहादुर तामाङको निधन भएको छ ।

सिरहाको कर्जन्हा नगरपालिका–५ निवासी ७८ वर्षीय तामाङको उपचारको क्रममा बिहीबार अपरान्ह झापाको दमकस्थित आम्दा अस्पतालमा निधन भएको हो ।

कोरोना संक्रमणबाट मुक्त भइसकेका उनको उपचारको क्रममा सुगरलेभल एक्कासि बढी भएपछि उनको निधन भएको परिवारजनले बताएका छन् । तामाङ २०४८ सालको आम निर्वाचनमा सिरहा क्षेत्र नं. ५ बाट तत्कालीन संयुक्त जनमोर्चाबाट सांसदमा निर्वाचित भएका थिए ।

बीएल वाइबा नामले परिचित तामाङ कम्युनिस्ट आदर्श र शोषित पीडित जनताप्रति समर्पित नेताको रुपमा परिचित थिए ।

प्रकाशित : जेष्ठ २१, २०७८ ०८:४२
प्रतिक्रिया
पठाउनुहोस्

कोरोनाले जिल्ला न्यायाधीश पौडेलको निधन

हरिहरसिंह राठौर

धादिङ — धादिङ जिल्ला अदालतका न्यायाधीश देवेन्द्र पौडेलको कोरोना संक्रमणबाट निधन भएको छ ।  उनको उपचारका क्रममा शुक्रबार बिहान काठमाडौंस्थित स्टार अस्पतालमा निधन भएको हो । 

विगत २ वर्षदेखि जिल्ला अदालत धादिङमा कार्यरत पौडेल ५५ वर्षका थिए ।

पुनरावेदन अदालत बुटवलका न्यायाधीशसमेत रहेका उनका दाजु मेदिनी पौडेलका अनुसार उनलाई २० दिनअगाडि कोरोना संक्रमणपछि उपचारका लगि स्टार अस्पताल लगिएको थियो । उपचारकै क्रममा शुक्रबार बिहान निधन भएको पौडेलले बताए ।


प्रकाशित : जेष्ठ २१, २०७८ ०८:३९
पूरा पढ्नुहोस्
प्रतिक्रिया
पठाउनुहोस्
×