संक्रमितका घरमै औषधि पुर्‍याउँदै राजविराज नगरपालिका- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

संक्रमितका घरमै औषधि पुर्‍याउँदै राजविराज नगरपालिका

अवधेशकुमार झा

राजविराज — कोरोना संक्रमित भएपछि होम आइसोलेसनमा रहेका संक्रमितहरुलाई राजविराज नगरपालिकाले आइतबारदेखि घरमै औषधि पुर्‍याउन सुरु गरेको छ । नगरप्रमुख शम्भुप्रसाद यादव संक्रमितका घर–घरमा आफैं पुगी औषधि वितरण थालेका हुन् । 

कोरोना संक्रमण पुष्टि भए पनि अवस्था सामान्य रहेका कारण होम आइसोलेसनमा रहेकाहरुलाई औषधि वितरण सुरु गरिएको हो । वितरित औषधिमा सिटामोल, भिटामिन बी, सि, डि र इ, जिंक चक्की र जीवनजल छन् । एकजना संक्रमितलाई करिब एक हजार रुपैयाँ बराबरको औषधि वितरण गरिएको मेयर यादवले बताए ।

‘संक्रमित रहेका घरमा अन्य मानिससमेत कन्ट्रयाक्ट ट्रेसिङमा रहेकाले बाहिर निस्कनसक्ने अवस्था नरहेको, केही घरमा परिवारका सबैजना संक्रमित भएका कारण कोही औषधि लिन नसक्ने भएकाले हामीले नै औषधि पुर्‍याउने प्रयास गरेका हौं,’ यादवले भने ।

दोस्रो लहरको कोरोना संक्रमण सुरु भएपछि राजविराज नगरपालिकामा मात्र एक २५ जना संक्रमित भएका छन् । तीमध्ये १ सय १५ जना होम आइसोलेसनमै रहेको नगरपालिकाले जानकारी दिएको छ । आइतबार नै गजेन्द्रनारायण सिंह अस्पतालमा रहेका कोरोना संक्रमितहरुलाई पनि राजविराज नगरपालिकाले ती औषधिहरु दिएको छ । अस्पतालमा अहिले २० जना कोरोना संक्रमितको उपचार भइरहेको छ ।

यसैबीच सोमबारबाट राजविराजस्थित साईकृष्णा मेकिडल कलेजको पुरानो भवनमा ५० शैय्याको कोभिड अस्पताल समेत संचालनमा आउने भएको छ । अहिले कोरोनाका बिरामीहरुका लागि गजेन्द्रनारायण सिंह अस्पताल राजविराजमा २५ शैय्याको एचडियु युनिटमात्र रहेको थियो । ‘संक्रमित बढ्दै गएकाले साइकृष्णामा पनि शैय्या थप गरि सञ्चालनमा ल्याउन लागिएको हो,’ गजेन्द्रनारायण सिंह अस्पतालका मेडिकल सुपरिटेन्डेन्ट रञ्जितकुमार झाले भने ।

प्रकाशित : वैशाख २६, २०७८ १६:५९
प्रतिक्रिया
पठाउनुहोस्

सिंहदरबारमै माधव नेपाल पक्षका सांसदहरूको बैठक सुरु

कान्तिपुर संवाददाता

काठमाडौँ — नेकपा (एमाले) माधवकुमार नेपाल पक्षका सांसदहरूको बैठक सिंहदरबारमै सुरु भएको छ । ओली समूहका नेताहरु सुवास नेम्वाङ र विष्णु पौडेलसँगको छलफलपछि नेता नेपालले आफूपक्षीय सांसदहरूको बैठक संघीय संसद्को सार्वजनिक लेखा समितिको बैठक कक्षमा राखेका हुन् । बैठकमा नेपाल समूहका प्रत्यक्ष र समानुपातिक सांसदहरू छलफलमा सहभागी छन् ।

आइतबार दिउँसैदेखि नेपाल पक्षका सांसदहरु राजीनामाको तयारीसहित संसद् सचिवालयमा जम्मा हुना थालेपछि ओली समूहले नेता नेम्वाङ र पौडेलले वरिष्ठ नेत नेपालसँग छलफलका पठाएका थिए । तर उक्त छलफलमा कुरा सकारात्मक नभएको नेता नेम्वाङले बताए । नेता नेम्वाङले भने, 'पार्टी अध्यक्ष र वरिष्ठ नेता नेपालबीच फोनमा कुराकानी भएपछि हामीलाई यहाँ पठाउनु भएको हो । पार्टी एकताका लागि हामी एकजुट छौं तर एकजुट कसरी राख्ने भन्‍ने विषयमा सहमति हुन सकेको छैन । अझै छलफल गर्छौं ।'

सम्बन्धित समाचार

प्रकाशित : वैशाख २६, २०७८ १६:५७
पूरा पढ्नुहोस्
प्रतिक्रिया
पठाउनुहोस्
×