१६ वर्षपछि पक्राउ

राजविराज — कुटपिट र अंगभंग मुद्दामा अदालतद्वारा सजाय तोकिए पनि फरार रहेका एक जनालाई सप्तरी प्रहरीले १६ वर्षपछि पक्राउ गरेको छ ।

तत्कालीन भुतही गाविस–९ का रामविलास यादवलाई सोमबार राति प्रहरीले नियन्त्रणमा लिएको हो । त्यही ठाउँकै प्रह्लाद यादवलाई कुटपिट गरेको अभियोग उनीमाथि छ । २०६२ असार १३ गते सप्तरी जिल्ला अदालतले रामविलासलाई २ वर्ष कैद र ५ हजार रुपैयाँ जरिवाना गर्ने फैसला गरेको थियो ।