दम्पतीलाई आक्रमण गरी बेपत्ता पारिएको भन्दै जलेश्वर–जनकपुर सडक अवरुद्ध- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

दम्पतीलाई आक्रमण गरी बेपत्ता पारिएको भन्दै जलेश्वर–जनकपुर सडक अवरुद्ध

सन्तोष सिंह

पिपरा, महोत्तरी — महोत्तरीको पिपरा-५ सहोडवामा एक दम्पतीलाई बेपत्ता पारिएको भन्दै  स्थानीयले मंगलबार यातायात अवरुद्ध गरेका छन् । घटनाको सत्यतथ्य छानबिन गरी दोषीलाई कारबाही गर्नुपर्ने मागसहित उनीहरूले  जलेश्वर–जनकपुर सडकमा गाडी ठप्प पारेका हुन् । 

साेमबार राति घरमै सुतेका सहोडवाका ६५ वर्षीय मोसाफिर झा र ६० वर्षीया गीतादेवी बिहान नभेटिएको परिवारले जनाएको छ । राति अज्ञात समूहले आएर आक्रमण गरी उनीहरूलाई बेपत्ता बनाएको झाका नाति सुजितकुमारले दाबी गरे । घटनामा उच्चस्तरीय छानबिन आवश्यक देखिएकाले दबाबका लागि सडक अवरुद्ध गरेको उनको भनाइ छ।

दुवै जना सुतेको ठाउँमा रगत भेटिएकाले घटना शंकास्पद रहेको जिल्ला प्रहरी कार्यालय महोत्तरीका प्रहरी उपरीक्षक टीकाबहादुर केसीले बताए । ‘दुवै जनाको खोजी भइरहेको छ,’ उनले भने । बिहान झा दम्पती घरमा नभेटिएपछि आफन्तले प्रहरीलाई खबर गरेका थिए ।

झाको घरमा थप अनुसन्धान गरिरहेको प्रहरी उपरीक्षक केसीले बताए । स्थानीयका अनुसार झा मोहीसम्बन्धी एउटा जग्गा विवादमा साक्षी बसिरहेका व्यक्ति हुन् । उक्त मुद्दा अदालतमा विचाराधीन छ । जग्गावालासँग झाको विवादसमेत भएको स्थानीयले बताए ।

प्रकाशित : फाल्गुन ११, २०७७ १०:२३
प्रतिक्रिया
पठाउनुहोस्

बोइङ-७७७ नउडाउन सुझाव

एजेन्सी

सिकागो — अमेरिकी विमान निर्माता कम्पनी बोइङले–७७७ मोडलका विमान नउडाउन सुझाव दिएको छ । बोइङले शनिबार डेनभरमा दुर्घटनाबाट जोगिएको जस्तो इन्जिन भएका विमानको परीक्षण गरिने र त्यसपछि मात्रै निर्णय लिइने जनाएको छ 

त्यस्ता विमानहरू १ सय २८ रहेका जनाइएको छ । युनाइटेड एयरलाइन्सको बोइङ ७७७ विमानको दायाँतर्फको इन्जिनमा शनिबार समस्या आएपछि अमेरिकाको डेनेभरमा इन्जिनका टुक्राहरू खसेका थिए । त्यसलगत्तै चालकले विमानलाई आपत्कालीन अवतरण गर्न सक्षम भएका कारण ठूलो दुर्घटनाबाट जोगिएको थियो । होनोलुलुका लागि उडेको विमानमा २ सय ३१ जनाले यात्रा गरिरहेका थिए ।

युनाइटेड एयरलाइन्स र जापानका दुई विमान कम्पनीले त्यस्तै अर्थात् ‘प्राट एन्ड ह्वाइटने–४०००’ इन्जिन भएका ५६ वटा विमान प्रयोग गर्न छाडिसकेको जनाएका छन् । ‘छानबिन जारी रहेको अवस्थामा हामी ६९ वटा सेवा दिइरहेका र ५९ वटा रोकिराखिएका ७७७ विमानलाई प्रयोगमा नल्याउन आग्रह गर्दछौं,’ बोइङले विज्ञप्तिमार्फत जनाएको छ । अमेरिकाको संघीय उड्डयन प्रशासन (एफएए) का अनुसार अमेरिकामा हाल युनाइटेड एयरलाइन्सले मात्र उक्त विमानको प्रयोग गर्दै आएको छ ।

त्यसबाहेक उक्त विमान प्रयोगमा ल्याउने कम्पनी जापान र दक्षिण कोरियाका छन् ।

प्रकाशित : फाल्गुन ११, २०७७ १०:१३
पूरा पढ्नुहोस्
प्रतिक्रिया
पठाउनुहोस्
×