ट्र्याक्टर दुर्घटनामा एकको मृत्यु- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

ट्र्याक्टर दुर्घटनामा एकको मृत्यु

शिव पुरी

रौतहट — रौतहटको संग्रामपुरबाट बिहीबार मोथियाहीतर्फ आउँदै गरेको ट्र्याक्टर दुर्घटना हुँदा वृद्धाको मृत्यु भएको छ । ट्र्याक्टरमा सवार ७ महिला घाइते छन् ।

संग्रामपुरबाट ना ७ त १३२५ नम्बरको ट्र्याक्टरमा मोथियाही भन्ने गाउँमा आउँदै गर्दा चन्द्रपुर–१० पडहरिया चोक नजिक सडकबाट तल खसेर दुर्घटना हुँदा त्यसमा सवार चन्द्रपुर–९ चेतनगर बस्ने ६५ वर्षीया कलावती चौधरीको मृत्यु भएको इलाका प्रहरी चन्द्रनिगाहपुरका डिएसपी लिलाराज लामीछानेले बताए । दुर्घटनामा घाइते अन्य ७ जनाको चन्द्रनिगाहपुर अस्पतालमा उपचार भइरहेको छ ।

दुर्घटनामा घाइते कलावतीको उपचारका लागि ल्याउँदै गर्दा मृत्यु भएको हो । संगामपुरबाट चन्द्रपुर नगरपालिका–६ स्थित मोथियाहीमा विवाहपछि ढोगभेट फुकाउन आएका महिलाहरु दुर्घटनामा परेका हुन् । ट्र्याक्टर सडकबाट तल पल्टिएर दुर्घटना भए लगत्तै चालक फरार छन् । फरार चालकको खोजी भइरहेको इलाका प्रहरीले जनायो । दुर्घटनाको कारणबारे प्रहरीले अनुसन्धान थालेको जनायो ।

प्रकाशित : फाल्गुन ६, २०७७ १७:३०
प्रतिक्रिया
पठाउनुहोस्

२४ घण्टामा ९६ जना कोरोना संक्रमित, थप ३ को मृत्यु

कान्तिपुर संवाददाता

काठमाडौँ — पछिल्लो २४ घण्टामा नेपालमा ९६ जनामा कोरोना भाइरस संक्रमण देखिएको छ । स्वास्थ्य मन्त्रालयका अनुसार बिहीबार मुलुकका विभिन्न प्रयोगशालामा गरिएको परीक्षणमा ९६ जनामा संक्रमण पुष्टि भएको हो ।

योसँगै नेपालमा कोरोना भाइरसबाट संक्रमित हुनेको संख्या २ लाख ७३ हजार १६६ पुगेको छ । नेपालमा १ हजार ६०३ सक्रिय संक्रमित रहेका छन् ।

पछिल्लो २४ घण्टामा थप १ सय ११ जना संक्रमणमुक्त भएका छन् । हालसम्म निको हुनेको संख्या २ लाख ६९ हजार ५ सय ५ रहेको छ ।

२४ घण्टामा मृत्यु हुनेको संख्या ३ रहेको छ । बिहीबार अपराह्नसम्म मृत्यु हुनेको संख्या २ हजार ५८ रहेको छ ।

अहिलेसम्म देशभर २१ लाख ३१ हजार ३३० नमुनाको पीसीआर परीक्षण भएको छ । क्वारेन्टाइनमा ७१ जना रहेका छन् ।

प्रकाशित : फाल्गुन ६, २०७७ १७:१५
पूरा पढ्नुहोस्
प्रतिक्रिया
पठाउनुहोस्
×