गाउँमा सेनाको स्वास्थ्य शिविर
रौतहट — नेपाली सेनाले राजपुर–९ बैरियामा मंगलबार स्वास्थ्य शिविर गरेको छ । ओपीडी र दाँतका रोगको उपचार सेवा दिइएको एकदिने शिविरमा जँचाउन आउनेको भीड लागेको थियो ।
नेपाली सेनाको श्रीनम्बर २८ बाहिनी अड्डा जितपुरको टोलीलाई शिविरका लागि औषधि उत्पादक संघ, प्रदेश २ को सामाजिक विकास मन्त्रालय र सैनिक अस्पतालले सघाएको थियो ।
सेनानी नरबहादुर कार्कीको नेतृत्वमा प्राविधिक सहसेनानी डा. श्रीस्ना प्रधानसहित २२ जना स्वास्थ्यकर्मी सम्मिलित टोलीले स्वास्थ्य परीक्षण र औषधि वितरण गरेको थियो ।
प्रकाशित : पुस २१, २०७७ १९:०८प्रतिक्रिया