राजावादीकाे प्रदर्शनमा अवराेध- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

राजावादीकाे प्रदर्शनमा अवराेध

अवधेशकुमार झा

राजविराज — सप्तरीको राजविराजमा राजा र राजसंस्था पुन:स्थापनाको मागसहित प्रदर्शन गर्न खोज्नेहरूलाई अन्य दलका कार्यकर्ताले अवराेध पुर्‍याएका छन् ।

राजविराजको शिव मन्दिर अगाडिबाट सप्तरी समाजको नाममा राजावादीहरुले मंगलबार बिहान राजा र राजसंस्थाको पक्षमा प्रदर्शन गर्न खोजेका थिए । नेपाली कांग्रेस, नेकपाको दाहाल नेपाल समूह र जनता समाजवादी पार्टी आवद्ध युवा विद्यार्थी हरुले राजावादीहरुको ब्यानर खोसेका थिए । सो क्रममा केहीबेर तनाव भएको थियो ।

गणतन्त्रलाई मास्ने काम स्वीकार्य नहुने भन्दै युवा विद्यार्थीहरू प्रतिवादमा उत्रेका हुन् । उनीहरूले राजावादीहरुको ब्यानरमा आगो समेत लगाएका थिए । युवा विद्यार्थीको प्रतिवाद पछि राजावादीहरु भागेका थिए । प्रतिरोधमा उत्रेका युवा विद्यार्थीहरू राजविराजमा प्रदर्शन गरिरहेका छन् भने राजावादीहरुले प्रदर्शन गर्ने तयारीमा छन् । अवस्था तनावपूर्ण रहेका ले व्यापक संख्यामा सुरक्षाकर्मी परिचालन गरिएको छ ।

प्रकाशित : पुस १४, २०७७ १२:२७
प्रतिक्रिया
पठाउनुहोस्

पाकिस्तान हार टार्न संघर्ष गर्दै

एजेन्सी

माउन्ट मनगुनई — पाकिस्तान न्युजिल्यान्डविरुद्धको पहिलो टेस्टको चौथो दिन मंगलबार हार टार्न संघर्षरत छ । जितका लागि ३ सय ७३ रनको लक्ष्य पाएको पाकिस्तानले दिनको खेल टुंगिँदा तीन विकेट गुमाएर ७१ रन बनाएको छ ।

पाकिस्तानका लागि फवाद आलम २१ र अजर अलि ३४ रन बनाएर खेलिरहेका छन् । पाहुना टिम अझै पनि ३ सय २ रनले पछाडि छ । उसले हारबाट जोगिन मंगलबार अन्तिम तथा पाँचौं दिन कडा संघर्ष गर्नुपर्नेछ ।

न्युजिल्यान्डले यसअघि आफ्नो दोस्रो इनिङ्स पाँच विकेट गुमाएर १ सय ८० रनमा टुंगेको घोषणा गरेको थियो ।


प्रकाशित : पुस १४, २०७७ १२:१८
पूरा पढ्नुहोस्
प्रतिक्रिया
पठाउनुहोस्
×