संसद् विघटनको सिफारिस असंवैधानिक भएकाे भन्दै बारामा युवाहरूको प्रदर्शन- प्रदेश २ - कान्तिपुर समाचार

संसद् विघटनको सिफारिस असंवैधानिक भएकाे भन्दै बारामा युवाहरूको प्रदर्शन

लक्ष्मी साह

बारा — प्रधामन्त्री केपी शर्मा ओलीकाे संसद् विघटन सिफारिस असंवैधानिक भएकाे भन्दै बाराकाे कलैयामा राजनीतिक दलसम्बद्ध युवाहरूले टायर बालेर प्रदर्शन गरेका छन् ।

नेकपा, कांग्रेसलगायत जनता समाजवादी पार्टीसम्बद्ध युवाहरूले उक्त कदम असंवैधानिक भएकाे भन्दै राष्ट्रपतिलाई स्वीकृत नगर्न माग गरेका छन् ।

प्रधानमन्त्री ओलीकाे उक्त कदमप्रति जिल्लामा सर्वत्र विराेध भइरहेकाे छ । लाेकतान्त्रिक व्यवस्था नै धरापमा पार्ने प्रधानमन्त्रीकाे संसद् विघटनको प्रस्ताव फिर्ता लिनुपर्ने उनीहरूले माग गरेका छन् ।

प्रदर्शन राेक्न सशस्त्र र नेपाल प्रहरी परिचालन गरिएकाे छ ।

प्रकाशित : पुस ५, २०७७ १४:२६
प्रतिक्रिया
पठाउनुहोस्

राष्ट्रपतिले विवेक पुर्‍याउनु होला : रघुजी पन्त

कान्तिपुर संवाददाता

काठमाडौँ — नेकपा स्थायी कमिटी सदस्य रघुजी पन्तले प्रधानमन्त्रीले असंवैधानिक रुपमा संसद विघटन सिफारिस गरेको भन्दै राष्ट्रपतिले विवेक पुर्‍याउनुपर्ने बताएका छन् । पार्टी स्थायी कमिटी बैठकमा भाग लिन बालुवाटार पुगेका पन्तले भने, 'प्रधानमन्त्रीले गरेको सिफारिस संविधानसम्मत छैन,' पन्तले भने । 

'राष्ट्रपति संविधानको संरक्षक हुनुहुन्छ । प्रधानमन्त्रीको सिफारिस मान्नुपर्छ भन्ने उहाँलाई बाध्यता छैन । यसमा उहाँले विवेक पुर्‍याउने प्रशस्त ठाउँ छ । त्यसैले मुलुक दुर्घटनातिर जाँदैन होला भन्ने मलाई लाग्छ,' पन्तले भने ।


प्रकाशित : पुस ५, २०७७ १४:१५
पूरा पढ्नुहोस्
प्रतिक्रिया
पठाउनुहोस्
×