हात्तीले लखेट्दा लडेर एक जनाको मृत्यु
राजविराज — जंगली हात्तीले लखेट्दा लडेर सोमबार बिहान सप्तरीमा एक जनाको मृत्यु भएको छ ।
सुरुङ्गा नगरपालिका-३ दौलतपुर का ७० वर्षीय सीताराम साहको हात्ती लखेट्दा लडेर मृत्यु भएको प्रहरीले जनाएको छ ।
आफ्नै घरमा सुतिरहेका साह पिसाब फेर्न उठेका बेला आएको २ वटा जंगली हात्तीले लखेटेपछि भाग्ने क्रममा लडेर घाइते भएका थिए । लहानस्थित सप्तऋषि अस्पतालमा उपचारका क्रममा उनको मृत्यु भएको प्रहरीले जनाएको छ ।
प्रकाशित : मंसिर २९, २०७७ १२:०८प्रतिक्रिया