जगदम्बा स्टिल्स उद्योगमा फलाम गलाउने भट्टी विस्फोट, ४ घाइते
बारा — बाराको जितपुरसिमरा उपमहानगरपालिकास्थित जगदम्बा स्टिल्स उद्योगमा शनिबार फलाम गलाउने भट्टी विस्फोट हुँदा ४ जना मजदुर घाइते भएका छन् ।
घाइतेमध्ये १ जनालाई थप उपचारका लागि काठमाडौं पठाइएको छ । वीरगन्जस्थित नेसनल मेडिकल कलेजले सर्लाहीका ३२ वर्षीय विकिन्द्र यादवलाई थप उपचारका लागि काठमाडौं पठाएको डीएसपी दीपक श्रेष्ठले बताए ।
सर्लाहीकै बरहथवा नगरपालिका-५ का २३ वर्षीय मुकेश साहको वीरगन्ज हेल्थ केयरमा अस्पतालमा उपचार भइरहेको छ । २ जना भारतीय मजदुर स्थानीय अस्पतालमा उपचार गराएर घर फर्केका छन् । भट्टी विस्फोट भएपछि आगोको ज्वालाले पोलेर मजदुर घाइते भएका हुन् ।
प्रकाशित : मंसिर १३, २०७७ १३:०४प्रतिक्रिया