१८.१२°C काठमाडौं
पर्सामा सशस्त्रका थप तीन बीओपी स्थापना
पर्सा — सरकारले स्वीकृत गरेको १५ महिनापछि पर्सामा सशस्त्र प्रहरीका तीन वटा बीओपी (बोर्डर आउट पोस्ट) स्थापना गरिएको छ । छिपहरमाई गाउँपालिका–१ मिर्जापुर, जिराभवानी गाउँपालिका–१ महादेवपट्टी र ठोरी गाउँपालिका–३ ब्रह्मानगरमा बीओपी सञ्चालन गरिएको हो ।
सशस्त्र प्रहरीका प्रदेश २ प्रमुख डीआईजी कृष्णभक्त ब्रह्मचार्य र पर्साका सिडिओ आस्मान तामाङले छुट्टाछुट्टै समारोहबीच बीओपीको उद्घाटन गरे ।
तीन वटै बीओपी गाउँपालिकाहरूले उपलब्ध गराएको सामुदायिक भवनमा सञ्चालन गरिएको र आउँदो ६ महिनाभित्र आफ्नै भवनमा सारिने पर्साका सशस्त्र प्रहरी उपरीक्षक राजेन्द्र खड्काले जानकारी दिए ।
प्रकाशित : कार्तिक २४, २०७७ २१:३९प्रतिक्रिया
