गजेन्द्र नारायण सिंह अस्पतालका एक फार्मासिस्टको कोरोनाबाट मृत्यु
राजविराज — राजविराजस्थित गजेन्द्रनारायण सिंह अस्पतालका एक फार्मासिस्टको कोरोनाबाट मृत्यु भएको छ ।
राजविराज-२ का २८ वर्षीय ती फार्मासिस्टको बुधबार बिहान ११ बजे मृत्यु भएको अस्तपालका प्रमुख डाक्टर रञ्जित झाले बताए ।
राजविराजस्थित साईकृष्णा मेडिकल कलेजको पुरानो भवनमा रहेको आइसोलेसनमा उपचार गराइरहेका उनको अचानक स्वास्थ्य अवस्था बिग्रिएको केही बेरमै मृत्यु भएको थियो अस्पतालले जनाएको छ ।
राजविराजस्थित आइसोलेसनमा उपचार गराइरहेकै बेला मृत्यु भएको यो पहिलो हो ।
ती फार्मासिस्टलाई कात्तिक १५ गते कोरोना संक्रमण पुष्टि भएको थियो । लक्षण नदेखिएपनि उनी आइसोलेसनमा उपचारत थिए । जिल्लामा कोरोनाबाट मृत्यु हुनेको संख्या २९ पुगेको छ ।
प्रकाशित : कार्तिक १९, २०७७ १५:२५प्रतिक्रिया