कुटपिटबाट आमाको मृत्यु, छोरा पक्राउ- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

कुटपिटबाट आमाको मृत्यु, छोरा पक्राउ

भरत जर्घामगर

सिरहा — घरायसी विवादमा कुटपिट र घाँटी थिच्दा घाइते भएकी ८५ वर्षीया आमाको उपचारका क्रममा मृत्यु भएपछि प्रहरीले सिरहा कर्जन्हा नगरपालिका–३ खैराटोलका छोरा रामअवतार साह सोनारलाई पक्राउ गरेको छ ।

जिल्ला प्रहरी कार्यालय सिरहाका अनुसार ४७ वर्षीय छोरा राम अवतारले घरायसी विवादका क्रममा कुटपिट र घाँटी थिचेर घाइते बनाइएकी ८५ वर्षीया सुदामा देवीको जिल्ला अस्पताल सिरहामा उपचारको क्रममा शनिबार मृत्यु भएको थियो ।

कात्तिक ११ गते घरायसी विवादका क्रममा छोरा रामअवतारले वृद्धा आमालाई कुटपिट र घाँटी थिचेर घाइते बनाएका थिए । घाइते सुदामाको जनकपुरस्थित रामजानकी मेडिकलमा उपचार गराएपनि सुधार नभएपछि जिल्ला अस्पताल सिरहामा उपचार भइरहेको थियो ।

उपचारकै क्रममा सुदामाको मृत्यु भएको र घटनाबारे थप अनुसन्धान भइरहेको प्रहरीले जनाएको छ ।

प्रकाशित : कार्तिक १६, २०७७ १०:०२
प्रतिक्रिया
पठाउनुहोस्

वाग्मतीका मुख्यमन्त्री पौडेल कोरोना मुक्त

सुवास विडारी

मकवानपुर — वाग्मती प्रदेशका मुख्यमन्त्री डोरमणि पौडेल कोरोना भाइरस संक्रमण मुक्त भएका छन् । कोरोना पुष्टि भएको १० दिनपछि मुख्यमन्त्री पौडेल कोरोना मुक्त भएका हुन् । कात्तिक १५ शनिबार काभ्रेको धुलिखेलमा पुनः स्वाब परीक्षण गर्दा रिपोर्ट नेगेटिभ आएको हो । 

पौडेलको कात्तिक ६ मा हेटौंडा– १० स्थित किटजन्य रोग अनुसन्धान तथा तालिम केन्द्रको प्रादेशिक प्रयोगशालामा कोरोना परीक्षण गर्दा संक्रमण पुष्टि भएको थियो । उनलाई गंगालाल राष्ट्रिय हृदयरोग निवारण केन्द्र बाँसबारीमा उपचाररत थिए ।

मुख्यमन्त्रीका प्रेस संयोजक प्रकाश दाहालका अनुसार पौडेल कोरोना मुक्त भएपनि गंगालालमा उपचार भइरहेको छ । उनको स्वास्थ्यमा समस्या नरहेको उनले बताए ।

मधुमेहका बिरामी मुख्यमन्त्री पौडेलको जेठ महिना गंगालालमै मुटुको शल्यक्रिया गरिएको थियो । कोरोना संक्रमण भएर होम आइसोलेसनमा रहेका उनलार्ई थप उपचारका नेपाली सेनाको हेलिकोप्टरमार्फत कात्तिक ७ मा काठमाडौं लगिएको थियो ।

मुख्यमन्त्री पौडेलसँगै पौडेलकी श्रीमती विजया पौडेल, एक सुरक्षाकर्मी, दुई चालक र एक कार्यालय सहयोगीलाई पनि कोरोना संक्रमण भएको थियो ।

मुख्यमन्त्रीकी श्रीमती पौडेलको पुनः परीक्षण गर्दा कोरोना रिपोर्ट पोजेटिभ नै आएको बताइएको छ । सुरक्षाकर्मी, चालक र कार्यालय सहयोगी भने आइसोलेसनमै छन् ।

प्रकाशित : कार्तिक १६, २०७७ ०९:५६
पूरा पढ्नुहोस्
प्रतिक्रिया
पठाउनुहोस्
×