कुटपिटबाट आमाको मृत्यु, छोरा पक्राउ

जिल्ला प्रहरी कार्यालय सिरहाका अनुसार ४७ वर्षीय छोरा राम अवतारले घरायसी विवादका क्रममा कुटपिट र घाँटी थिचेर घाइते बनाइएकी ८५ वर्षीया सुदामा देवीको जिल्ला अस्पताल सिरहामा उपचारको क्रममा शनिबार मृत्यु भएको थियो ।

कात्तिक ११ गते घरायसी विवादका क्रममा छोरा रामअवतारले वृद्धा आमालाई कुटपिट र घाँटी थिचेर घाइते बनाएका थिए । घाइते सुदामाको जनकपुरस्थित रामजानकी मेडिकलमा उपचार गराएपनि सुधार नभएपछि जिल्ला अस्पताल सिरहामा उपचार भइरहेको थियो ।

उपचारकै क्रममा सुदामाको मृत्यु भएको र घटनाबारे थप अनुसन्धान भइरहेको प्रहरीले जनाएको छ ।