प्रदेश २ मा शुक्रबार सार्वजनिक बिदा- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

प्रदेश २ मा शुक्रबार सार्वजनिक बिदा

कान्तिपुर संवाददाता

जनकपुर — इस्लाम धर्मका प्रवर्तक पैगम्बर हजरत मोहम्मदको जन्मदिनका अवसरमा प्रदेश २ सरकारले शुक्रबार प्रदेशमा सार्वजनिक बिदा दिने भएको छ ।

मुख्यमन्त्री मोहम्मद लालबाबु राउतले पैगम्बर हजरतको जन्मदिनको शुभकामना वक्तव्य जारी गर्दै त्यसको खुशियालीमा शुक्रबार प्रदेश २ मा सार्वजनिक बिदा दिइएको जनाएका छन् ।


मुख्यमन्त्री राउतले पैगम्बर हजरत मोहम्मदको शान्ति र अहिंसाको प्रेरणादायी उपदेशलाई सबैले मनन् गर्नुपर्ने बताएका छन् ।

प्रकाशित : कार्तिक १३, २०७७ १३:५८
प्रतिक्रिया
पठाउनुहोस्

राष्ट्रिय फुटबल टोलीको प्रशिक्षण आजदेखि

रासस

काठमाडौँ — नेपाली राष्ट्रिय फुटबल टोलीले आजदेखि प्रशिक्षण सुरु गर्दैछ । बङ्गलादेशसँगको मैत्रीपूर्ण खेलका लागि नेपालले आजदेखि प्रशिक्षण सुरु गर्न लागेको हो ।

पहिलो दिनको प्रशिक्षण त्रिपुरेश्वरस्थित दशरथ रङ्गशालामा अपराह्न २ बजे सुरु हुनेछ । प्रशिक्षणका लागि खेलाडी काठमाडौं आइसकेको अखिल नेपाल फुटबल संघ (एन्फा)ले जनाएको छ । एन्फाले खेलाडीलाई त्रिपुरेश्वरस्थित वर्ल्ड ट्रेड सेन्टरमा राखेको छ । प्रशिक्षणका लागि राष्ट्रिय खेलकुद परिषद् (राखेप)ले एन्फालाई अनुमति दिइसकेको छ ।

नेपालले बालगोपाल महर्जनको प्रशिक्षणमा तयारी सुरु गर्नेछ । मुख्य प्रशिक्षक योहान कालिन स्विडेनमा रहेका कारण एन्फाले महर्जनलाई टिम हेर्ने जिम्मेवारी दिएको हो । टोलीको सहायक प्रशिक्षकमा किरण श्रेष्ठ र गोलकिपर प्रशिक्षकमा विकास मल्ल रहेका छन् ।

नेपालले बंगलादेशसँग ढाकामा दुई मैत्रीपूर्ण खेल खेल्नेछ । ढाकास्थित बङ्गबन्धु रङ्गशालामा हुने पहिलो मैत्रीपूर्ण खेल कात्तिक २८ गते हुनेछ । दोस्रो मैत्रीपूर्ण खेल आगामी मंसिर २ गते हुने एन्फाले जनाएको । फिफा विश्वकप छनोटको दोस्रो चरण खेलिरहेको नेपालले तयारीका लागि मैत्रीपूर्ण खेल खेल्न लागेको हो ।

एन्फाले यसअघि घोषित टिमलाई निरन्तरता दिएको छ । त्यसअनुसार अभ्यासका लागि बोलाइएका खेलाडीमा अभिषेक रिजाल, विशाल श्रेष्ठ, देवेन्द्र तामाङ, सुजल श्रेष्ठ, विशाल राई, रन्जित धिमाल, विकेश कुथु, सुमन अर्याल, नवयुग श्रेष्ठ, सेसेहाङ आङडेङ्बे, जर्ज प्रिन्स कार्की, विकास खवास, सरोज दाहाल, अमित तामाङ, सुवास गुरुङ, तेज तामाङ, अजित भण्डारी, रवि पासवान, सुनील बल, छिरिङ गुरुङ, आशिष लामा, अनन्त तामाङ, विक्रम लामा, मिक्चेन तामाङ, दिलेन लोक्तान, अञ्जन विष्ट, पुजन उपरकोटी, विमल राना, दीप कार्की, एरिक विष्ट, दर्शन गुरुङ, रोहित चन्द र किरण लिम्बू छन् ।

प्रकाशित : कार्तिक १३, २०७७ १३:४८
पूरा पढ्नुहोस्
प्रतिक्रिया
पठाउनुहोस्
×