बालिकाको बलात्कारपछि हत्या गरेको आरोपमा एक पक्राउ- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

बालिकाको बलात्कारपछि हत्या गरेको आरोपमा एक पक्राउ

शिव पुरी

रौतहट — डेढ साताअघि रौतहटको बृन्दावन नगरपालिका-४ मा एक बालिकाको बलात्कारपछि हत्या भएको खुलेको छ । 

गढिमाई नगरपालिका १ समनपुर घर भएकी १४ वर्षीया बालिका सन्जाकुमारी साहको बलात्कारपछि हत्या गरेको आरोपमा प्रहरीले ४५वर्षीय चुनु साहलाई पक्राउ गरी सार्वजनिक गरेको छ ।

असोज १६ गते घर नजिकैको उखुबारीमा घाँस लिन गएकी बालिकालाई गाउँकै ४५ वर्षीय चुनु साहले बलात्कार गरेका थिए । बालिकाले अभिभावकलाई भन्ने डरले चुनुले घाँटी थिचेर हत्या गरेको जिल्ला प्रहरी प्रमुख एसपी सिद्धिविक्रम शाहले बताए ।

‘बालिकालाई सुरुमा फकाए छ । त्यसपछि बलात्कार गरेर हत्या गरेको अनुसन्धानबाट खुलेको छ,’ उनले भने,‘घट्ना सार्वजनिक हुने डरले बालिकाको हत्या गरेको रहेछ ।’

बालिकाको हत्या गरी साह फरार थिए । बालीका वृन्दावन नगरपालिका-४ पलटुवास्थित मामा बैनाथी साहको घरमा बस्दै आएकी थिइन् । स्थानिय होसनारायण यादवको उखु खेतमा सन्जालाई मृत अवस्थामा गाउँकै बालक अखिलेश यादवले देखेर गाउँलेलाई खबर गरेका थिए । घटनाको ६ दिनपछि चुनुलाई प्रहरीले पक्राउ गरेको थियो ।

बालिकालाई बलात्कार पछि हत्या गरेको चुनुले स्वीकारेको एसपी शाहले बताए ।

पक्राउ परेका साहलाई जिल्ला अदालतबाट १५ दिनको म्याद थपेर थप अनुसन्धान भइरहेको प्रहरीले बताएको छ ।

प्रकाशित : आश्विन २९, २०७७ १८:०३
प्रतिक्रिया
पठाउनुहोस्

लागूऔषध तथा कर छली अभियोगमा दुई पक्राउ

डम्बरसिं राई

खोटाङ — गाँजा तथा कर छली अभियोगमा दुई युवा पक्राउ परेका छन् । हलेसी तुवाचुङ नगरपालिका–१ बाहुनीडाँडा बयक्ताका २१ वर्षीय सुवास राई र २३ वर्षीय अविन नेपाली बुधबार बेलुका पक्राउ परेका प्रहरी नायव उपरीक्षक नारायणप्रसाद चिमरीयाले जानकारी दिए ।

उनीहरुबाट ७ केजी गाँजा, गाँजा बनाउने मेसिन एक सेट, १५ बोरा क्याकेट सुर्तीलगायत बरामद गरिएको छ ।

बिहीबार पत्रकार सम्मेलन गरी उनीहरुलाई सार्वजनिक गर्दै डिएसपी चिमरीयाले लागूऔषधसम्बन्धी मुद्दा दायर गरी म्याद थपेर अनुसन्धान थालिएको बताए । उनका अनुसार राजस्व कर छलीमा पनि मुद्दा चलाउन करदाता सेवा कार्यालय खोटाङलाई पठाइएको छ ।

प्रकाशित : आश्विन २९, २०७७ १७:४५
पूरा पढ्नुहोस्
प्रतिक्रिया
पठाउनुहोस्
×