प्रशासन कार्यालय रौतहटमा अत्यावश्यकबाहेकका सेवा बन्द- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

प्रशासन कार्यालय रौतहटमा अत्यावश्यकबाहेकका सेवा बन्द

शिव पुरी

रौतहट — कर्मचारीमा कोरोना संक्रमण देखिएपछि जिल्ला प्रशासन कार्यालय रौतहटले अत्यावश्यक बाहेकका सेवा बन्द गरेको छ । प्रशासनले सूचना जारी गर्दै आफ्ना एक कर्मचारीमा संक्रमण देखिएकाले अर्को सूचना नआएसम्मका लागि बिहीबारबाट सेवाहरु बन्द गरिएको जनाएको छ । 

सरोकारवाला निकाय, स्वास्थ्य विज्ञ समेतको छलफलपछि नयाँ नेपाली नागरिकता वितरण, नागरिकता प्रतिलिपि, हातहतियार दर्ता, नवीकरण संस्था दर्ता पत्रपत्रिका दर्ता सेवाको कार्यहरु बन्द गरिएको प्रमुख जिल्ला अधिकारी ईन्द्रदेव यादवले बताए ।‘अन्य कर्मचारीलाई संक्रमण नहोस् भन्नाका लागि आवश्यकबाहेकका सेवाहरु बन्द गरेका छौं,’उनले भने,‘जोखिम न्यूनिकरण गर्न सेवा बन्द गर्नुको विकल्प रहेन ।’

प्रशासनले शान्ति सुरक्षा, ठाडो निवेदन तथा उजुरी, मुद्दाको सुनवाइ र विपद व्यवस्थापन सम्बन्धी सेवाहरु सुचारु रहने जनाएको छ । नागरिकताका लागि सबै कागजपत्र बुझाइसकेको हकमा भने स्वास्थ्य सुरक्षा मापदण्ड अपनाएर आएमा उपलब्ध गराइने जनाएको छ ।


प्रकाशित : आश्विन २९, २०७७ १६:१५
प्रतिक्रिया
पठाउनुहोस्

धरानमा पछिल्लो २४ घण्टामा ८ जना कोरोना संक्रमितको मृत्यु

प्रदीप मेन्याङबो

सुनसरी — धरानस्थित बीपी कोइराला स्वास्थ्य विज्ञान प्रतिष्ठानमा बिहीबार सवा ११ बजे धरान उपमहानगर–७ बस्ने ६३ वर्षीया एक कोरोना संक्रमित महिलाको मृत्यु भएको छ ।

श्वासप्रश्वासमा समस्या आएपछि असोज २१ गते प्रतिष्ठानमा भर्ना गरिएको थियो । योसहित पछिल्लो २४ घण्टामा प्रतिष्ठानमा उपचाररत अवस्थामा मृत्यु भएका र होम आइसोलेसनमा मृत्यु भएकाको संख्या धरानका मात्र ८ जना पुगेको छ । यस्तै प्रतिष्ठानको इमर्जेन्सी कक्ष र कोभिड अस्पतालमा मृत्यु हुने संक्रमितहरुको संख्या तेह्रथुम र इटहरीका गरी ७ जना पुगेको छ ।

प्रतिष्ठानका सहप्रवक्ता डा आशिष श्रेष्ठका अनुसार निमोनिया र मुटुको दीर्घरोगीसमेत रहेकी धरान–७ की महिलाको असोज २२ गते पीसीआर जाँच गर्दा कोरोना संक्रमण पुष्टि भएपछि कोभिड अस्पतालमा भर्ना गरिएको थियो ।

प्रकाशित : आश्विन २९, २०७७ १६:१२
पूरा पढ्नुहोस्
प्रतिक्रिया
पठाउनुहोस्
×