१७.१२°C काठमाडौं
काठमाडौंमा वायुको गुणस्तर: १५७

बलात्कार र महिला हिंसाका घटनामा प्रहरीले लापरबाही गरेको भन्दै सप्तरीमा प्रदर्शन

अवधेशकुमार झा

राजविराज — बलात्कार र महिला हिंसाका मुद्दामा प्रहरीले लापरबाही गरेको भन्दै सोमबार हिला अगुवाहरुले प्रदर्शन गरेका छन् । उनीहरुले सप्तरी जिल्ला अदालत,जिल्ला प्रशासन कार्यालय र जिल्ला प्रहरी कार्यालय अगाडी प्रदर्शन गरेका हुन् ।

बलात्कार र महिला हिंसाका घटनामा प्रहरीले लापरबाही गरेको भन्दै सप्तरीमा प्रदर्शन

उनीहरुले बलात्कार र महिला हिंसाका मुद्दामा प्रहरी नै पञ्चायती गराउन अग्रसर देखिने गरेको आरोप लगाए । उनीहरुले बलात्कारीलाई फाँसीको सजाय हुनुपर्ने माग राखेका छन् ।

प्रहरीको लापरबाहीका कारण जिल्लामा बलात्कार तथा महिला हिंसाका घटना बढिरहेकको राजविराज नगरपालिकाकी उप प्रमुख साधना झाले बताइन् । ‘बलात्कारका घटनालाई पञ्चायती गरेर मिलाइदिने काममा प्रहरी पनि उतिकै दोषी छन्,’ उनले भनिन्,‘घटनाबारे प्रहरीमा पीडितहरु जाहेरी दिन आउँदा जाहेरी लिदैनन् पीडितलाई पञ्चायतीमा जान प्रहरीले नै बाध्य बनाउने गरेका छन् ।’

‘प्रहरीको काम पञ्चायती गराएर मिलाउने होइन्,अपराधीलाई कानुनी कठघारामा उभ्याउने हो’ महिला नेतृ पुनम यादबले भनिन्,‘तर सप्तरीमा पञ्चायती गरेर जस्तो सुकै अपराध पनि मिलाउन प्रहरी नै अगाडी छन् ।’

जिल्ला अदालतबाट सुरु भएको प्ररदर्शन जिल्ला प्रशासन कार्यालय हुँदै जिल्ला प्रहरी कार्यालय अगाडी टुंगिएको थियो ।

प्रकाशित : आश्विन २६, २०७७ १७:१४
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?